Visit:
బెంగ‌ళూరు: క‌ర్ణాట‌క‌లో మ‌రో వ్య‌క్తికి ఒమిక్రాన్ వేరియంట్ క‌రోనా వైర‌స్ సోకింది. ద‌క్షిణాఫ్రికా నుంచి వ‌చ్చిన ఒక వ్య‌క్తికి క‌రోనా నిర్ధార‌ణ ప‌రీక్ష‌లు నిర్వ‌హించ‌గా అత‌నిలో ఒమిక్రాన్ వేరియంట్ ఉన్న‌ట్లుగా రుజువైంది. క‌ర్ణాట‌క‌లో మూడో ఒమిక్రాన్ వేరియంట్ క‌రోనా కేసు న‌మోదైంది. ద‌క్షిణాఫ్రికా నుంచి వ‌చ్చిన ఓ 34 ఏండ్ల వ్య‌క్తికి పాజిటివ్ రావ‌డంతో ఐసోలేష‌న్‌లో ఉంటూ ప్ర‌భుత్వ ఆస్ప‌త్రిలో చికిత్స పొందుతున్నాడ‌ని క‌ర్ణాట‌క ఆరోగ్యశాఖ మంత్రి కే సుధాక‌ర్ తెలిపారు.
ఒమిక్రాన్ సోకిన వ్య‌క్తితో సంబంధంగ‌ల ఐదు ప్రాథ‌మిక కాంటాక్టులను, 15 సెకండ‌రీ కాంటాక్టులను గుర్తించామ‌ని, వారి శాంపిల్స్‌ను సేక‌రించి ప‌రీక్ష‌లు పంపామ‌ని మంత్రి సుధాక‌ర్ చెప్పారు. దేశంలో మొట్ట‌మొద‌టి ఒమిక్రాన్ కేసు కూడా క‌ర్ణాట‌క‌లోనే న‌మోదైంది. సౌతాఫ్రికా నుంచి వ‌చ్చిన ఓ భార‌త సంత‌తి వ్య‌క్తిలో, ఓ వైద్యుడిలో మొద‌ట ఒమిక్రాన్ వేరియంట్ బ‌య‌ట‌ప‌డింది. కాగా, తాజా కేసుతో క‌లిపి దేశంలో ఒమిక్రాన్ వేరియంట్ క‌రోనా కేసుల సంఖ్య 36కు చేరింది.
