క‌రోనా రోగుల్లో ఉత్తేజం నింపేందుకు భార్య‌తో క‌లిసి ఎమ్మెల్యే స్టెప్పులు!

బెంగ‌ళూర్ : క‌రోనా మ‌హ‌మ్మారి సోక‌గానే బెంబేలెత్తే రోగుల్లో మాన‌సిక స్థైర్యం నింపేందుకు క‌ర్నాట‌కలోని హొన్నాళి ఎమ్మెల్యే రేణుకాచార్య చొర‌వ తీసుకున్నారు. కొవిడ్ రోగుల‌తో త‌న భార్య‌తో క‌లిసి ఆయ‌న ఆడిపాడారు. క‌న్న‌డ సినిమాల్లో హిట్ సాంగ్స్ కు అనుగుణంగా దావ‌ణ‌గెరేలో ఆయ‌న రోగుల‌తో క‌లిసి డ్యాన్స్ చేశారు. కొవిడ్ రోగుల‌తో ఎమ్మెల్యేతో పాటు ఆయ‌న భార్య డ్యాన్స్ చేస్తున్న వీడియో ఆన్ లైన్ లో వైర‌ల్ గా మారింది.

కొవిడ్-19 రోగులు కుంగుబాటుకు గుర‌వ‌కుండా గ‌తంలో ప‌లువురు వైద్యులు, ఆరోగ్య సిబ్బంది డ్యాన్స్ లు చేసిన వీడియోలు సైతం వైర‌ల్ అయ్యాయి. ఇక క‌ర్నాట‌క‌లో గ‌డిచిన 24 గంట‌ల్లో 22,758 తాజా పాజిటివ్ కేసులు వెలుగుచూడ‌గా ఒక్క‌రోజే 38,224 మంది కోలుకుని ద‌వాఖానల నుంచి డిశ్చార్జి అయ్యారు. కర్నాట‌క‌లో ఇప్ప‌టివ‌ర‌కూ 20 ల‌క్ష‌ల మందికి పైగా మ‌హ‌మ్మారి బారి నుంచి కోలుకున్నారు.