52 లక్షల పెండ్లిళ్లు.. 7.5 లక్షల కోట్ల వ్యాపారం!
ఈనెల 21 నుంచి డిసెంబర్ 15 వరకు కొనసాగనున్న పెండ్లి సీజన్లో దేశవ్యాప్తంగా 52 లక్షల పెండ్లిళ్లు జరగవచ్చని, రోజుకు సగటున రెండు లక్షలకు పైగా పెండ్లిళ్లతో రూ.7.5 లక్షల కోట్ల వ్యాపారం సాగవచ్చని అఖిల భారత వర్తకుల సమా ఖ్య (సీఏఐటీ) అంచనా వేసింది.
- దేశవ్యాప్తంగా రోజుకు సుమారు రెండు లక్షల వివాహాలు!
- నవంబర్ 21 నుంచి డిసెంబర్ 15 వరకు పెండ్లిళ్ల సీజన్ జోష్
హైదరాబాద్ సిటీ బ్యూరో, నవంబర్ 19 (నమస్తే తెలంగాణ)/ న్యూఢిల్లీ : ఈనెల 21 నుంచి డిసెంబర్ 15 వరకు కొనసాగనున్న పెండ్లి సీజన్లో దేశవ్యాప్తంగా 52 లక్షల పెండ్లిళ్లు జరగవచ్చని, రోజుకు సగటున రెండు లక్షలకు పైగా పెండ్లిళ్లతో రూ.7.5 లక్షల కోట్ల వ్యాపారం సాగవచ్చని అఖిల భారత వర్తకుల సమా ఖ్య (సీఏఐటీ) అంచనా వేసింది. 25 రోజుల ఈ సీజన్తో రిటైల్, తయారీ, ఆతిథ్యం, రవాణా, ఆహారం, నగలు తదితర రంగాల్లో డిమాండ్ పెరుగుతుందని సీఏఐటీ తెలిపింది. ఢిల్లీ-ఎన్సీఆర్లోనే రూ.2.5 లక్షల కోట్ల వ్యాపారం నమోదవుతుందని పేర్కొన్నది. 25 రాష్ర్టాల్లోని 300 మందికిపైగా వర్తక నేతలు, 550 వర్తక సంఘాలతో సంప్రదింపులు జరిపిన తర్వాత సీఏఐటీ రిసెర్చ్ అండ్ ట్రేడ్ డెవలప్మెంట్ సొసైటీ ఈ అంచనాలను రూపొందించిందని సంస్థ తెలిపింది. మొత్తం వ్యాపారంలో 54 శాతమైన రూ.4.05 లక్షల కోట్లు వస్తువులు, రిటైల్ కొనుగోళ్ల ద్వారా వస్తాయని, మిగిలిన 46 శాతమైన రూ.3.45 లక్షల కోట్లు సేవల రంగం నుంచి వస్తాయని వివరించింది.
ఏయే రంగాల్లో ఎంత వ్యాపారమంటే…
వస్తువుల విభాగంలో నగలు, విలువైన లోహాల కొనుగోళ్లు రూ.1.2 లక్షల కోట్లకు చేరవచ్చని తెలిపింది. దుస్తులు, గార్మెంట్ల విక్రయాలు రూ.90,000 కోట్లుగా ఉంటాయని అంచనా వేసింది. బహుమతులు, పెండ్లి సామగ్రి; నిత్యావసర సరుకులు, ఆహార సరఫరాల విభాగాలు ఒక్కొక్కటి రూ.37,500 కోట్ల చొప్పున వ్యాపారం జరగవచ్చని పేర్కొన్నది. ఎలక్ట్రానిక్స్, డ్రై ఫ్రూట్స్, స్వీట్లు, ఫర్నిచర్, గృహోపకరణాల విభాగాలు ఒక్కొక్కటి రూ.30,000 కోట్ల చొప్పున తోడ్పడవచ్చని తెలిపింది.
రాష్ట్రంలోనూ సందడి…
నవంబర్ 20న దేవుత్తాన ఏకాదశితో చాతుర్మాసం ముగిసిన తర్వాత తెలంగాణలో పెండ్లి ముహుర్తాలు ప్రారంభం అవుతాయి. నవంబర్ 21, 24, 25, 26 తారీఖుల్లో ఆ తర్వాత డిసెంబర్లో 2, 3, 4, 5, 6, 11, 12 తేదీల్లో పెండ్లి ముహుర్తాలున్నాయి. మళ్లీ ధనుర్మాసం ప్రారంభమయ్యాక డిసెంబర్ 16 నుంచి జనవరి 14 వరకు వివాహాలకు బ్రేక్ పడనుంది.
Read Today's Latest National News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

