Canada | కెనడా పాలసీ మార్పుతో వర్క్‌ పర్మిట్‌ల నిరాకరణ.. భారత విద్యార్థులకు బహిష్కరణ ముప్పు!
కెనడా ప్రభుత్వ విధానాలతో అక్కడి భారతీయ విద్యార్థులు తీవ్ర ఇబ్బందులు పడుతున్నారు. రాత్రికి రాత్రే ఇమ్మిగ్రేషన్‌ పాలసీల్లో మార్పులు చేసి, వర్క్‌ పర్మిట్‌లను నిరాకరించడంతో వందల మంది విద్యార్థులు ఇప్పుడు ఆ దేశం నుంచి బహిష్కరణ ప్రమాదాన్ని ఎదుర్కొంటున్నారు.
- ట్రూడో సర్కారు తీరుపై విద్యార్థుల నిరసన
Canada | న్యూఢిల్లీ: కెనడా ప్రభుత్వ విధానాలతో అక్కడి భారతీయ విద్యార్థులు తీవ్ర ఇబ్బందులు పడుతున్నారు. రాత్రికి రాత్రే ఇమ్మిగ్రేషన్‌ పాలసీల్లో మార్పులు చేసి, వర్క్‌ పర్మిట్‌లను నిరాకరించడంతో వందల మంది విద్యార్థులు ఇప్పుడు ఆ దేశం నుంచి బహిష్కరణ ప్రమాదాన్ని ఎదుర్కొంటున్నారు. ప్రభుత్వ తీరును నిరసిస్తూ కెనడాలోని ప్రిన్స్‌ ఎడ్వర్డ్‌ ఐలాండ్‌ రీజియన్‌లో ఆందోళనకు దిగారు. తమను దేశంలో ఉండేందుకు అనుమతించాలని డిమాండ్‌ చేస్తున్నారు. దేశంలో గ్రాడ్యుయేషన్‌ పూర్తిచేసినా, వర్క్‌ పర్మిట్‌లు ఇవ్వడం లేదని, దీంతో కెనడా నుంచి వెళ్లిపోవాల్సిన పరిస్థితులు కల్పిస్తున్నారని ఆవేదన వ్యక్తం చేశారు.
యూకే గ్రాడ్యుయేట్‌ రూట్‌ వీసా నిబంధనలు కఠినతరం!
గ్రాడ్యుయేట్‌ రూట్‌ వీసా నిబంధనలు కఠినతరం చేయడం ద్వారా విదేశీ విద్యార్థుల్లో ప్రతిభావంతులైన వారిని మాత్రమే బ్రిటన్‌లో ఉండనిచ్చేందుకు అవకాశం ఇవ్వాలని రిషి సునాక్‌ ప్రభుత్వం ఆలోచిస్తున్నది. దీంతోపాటు విదేశీ విద్యార్థులను తప్పు దోవ పట్టించే సమాచారాన్ని అందించే రిక్రూట్‌మెంట్‌ ఏజెంట్లపై అణచివేత చర్యలు చేపట్టాలని యోచిస్తున్నది. అయితే ఈ విషయాన్ని సునాక్‌ మంత్రులతో ఇంకా చర్చించలేదని ఫైనాన్షియల్‌ టైమ్స్‌ నివేదిక తెలిపింది.
Read Today's Latest National News in Telugu and Telugu News
- Follow Us :
-
