Visit:
న్యూఢిల్లీ: రష్యా అధ్యక్షుడు పుతిన్‌ భారత పర్యటనకు ముందుగానే భారత్‌తో ఓ కీలక సైనిక ఒప్పందాన్ని రష్యా పార్లమెంట్‌కు చెందిన దిగువ సభ ఆమోదించనున్నది. 23వ ద్వైపాక్షిక సదస్సులో పాల్గొనేందుకు డిసెంబర్‌ 4-5 తేదీలలో పుతిన్‌ భారత్‌ సందర్శించనున్నారు. రెండు దేశాల మధ్య సైనిక సహకారాన్ని పెంపొందించుకునేందుకు భారత రాయబారి వినయ్‌ కుమార్‌, రష్యా రక్షణ మంత్రి అలెక్జాండర్‌ మధ్య ఫిబ్రవరి 18న మాస్కోలో రిసిప్రోకల్‌ ఎక్సేంజ్‌ ఆఫ్‌ లాజిస్టిక్స్‌ అగ్రిమెంట్‌ కుదిరింది. ఇప్పుడు పుతిన్‌ భారత పర్యటనను దృష్టిలో ఉంచుకుని ఒకటి రెండు రోజుల్లో ఈ ఒప్పందాన్ని పార్లమెంట్‌ దిగువ సభలో ఆమోదించాలని రష్యా ప్రభుత్వం నిర్ణయించినట్లు రష్యా అధికార వార్తా సంస్థ టాస్‌ తెలిపింది.
