Cop Suspended: పోలీస్ స్టేష‌న్‌లో మ‌ద్యం తాగిన వ్య‌క్తి.. ఆ ఘ‌ట‌న‌లో ఇంచార్జి పోలీసుపై వేటు

Uttarpradesh Police: యూపీ పోలీసు స్టేష‌న్‌లో ఓ వ్య‌క్తి మ‌ద్యం తాగాడు. ఆ ఘ‌ట‌న‌లో ఇంచార్జి పోలీసుపై వేటు వేశారు. హోళీ పండుగ వేళ జ‌రిగిన ఈ ఘ‌ట‌న‌కు చెందిన ఫోటో ఒక‌టి ఇప్పుడు వైర‌ల్ అవుతోంది.

ష‌హ‌రాన్‌పూర్‌: యూపీలో ఓ వ్య‌క్తి పోలీస్ స్టేష‌న్‌లో మందు కొట్టాడు. ఈ ఘ‌ట‌న‌లో ఆ పోలీసు స్టేష‌న్ ఆఫీస‌ర్‌ను స‌స్పెండ్ చేశారు. ష‌హ‌రాన్‌పూర్‌ పోలీస్ స్టేష‌న్ ఇంచార్జి చైర్‌లో కూర్చుని ఓ వ్య‌క్తి మందు సీసాతో గ్లాసులో మందు పోస్తున్న ఓ ఫోటో వైర‌ల్ అయ్యింది. ఈ ఘ‌ట‌న‌లో ఆ స్టేష‌న్ ఇంచార్జ్‌ను స‌స్పెండ్(Cop suspended) చేశారు. ష‌హ‌రాన్‌పూర్‌లోని ఖాటా ఖేరి పోలీసు స్టేష‌న్లో ఘ‌ట‌న జ‌రిగింది. ఆ ఫోటోలో ఉన్న వ్య‌క్తిని ఇమ్రాన్‌గా గుర్తించారు. ఇంచార్జ్ ఆఫీస‌ర్ స‌చిన్ త్యాగి చైర్‌లో కూర్చున్న అత‌ను గ్లాసులో మందు పోస్తూ క‌నిపించాడు. టేబుల్‌పై చ‌క్నా ప్యాకెట్లు, వాట‌ర్ బాటిళ్లు కూడా ఉన్నాయి. మార్చిలో హోలీ పండుగ స‌మ‌యంలో ఈ ఘ‌ట‌న జ‌రిగిన‌ట్లు అంచ‌నా వేస్తున్నారు. ఈ ఫోటో వైర‌ల్ కాగానే.. ఇంచార్జి స‌చిన్ త్యాగిపై ఎస్ఎస్పీ విపిన్ తాడా స‌స్పెన్ష‌న్ విధించారు.