న్యూఢిల్లీ, ఫిబ్రవరి 1: దక్షిణాఫ్రికాలో ఒమిక్రాన్ వేరియంట్ తొలిసారిగా బయటపడ్డప్పటి నుంచి ఇప్పటి వరకు కేవలం 10 వారాల్లోనే ప్రపంచవ్యాప్తంగా 9 కోట్ల కరోనా కేసులు నమోదు అయ్యాయని డబ్ల్యూహెచ్వో వెల్లడించింది. 2020లో ఏడాది మొత్తంలో నమోదైన కేసుల కంటే ఈ సంఖ్య ఎక్కువని తెలిపింది. యూరోపియన్ దేశాల్లో ఒమిక్రాన్ ఉద్ధృతి క్రమంగా తగ్గుతున్నదని, ఆ దేశాలు లాక్డౌన్ ఆంక్షలను సడలిస్తున్నారని చెప్పింది. అయితే ఒమిక్రాన్ను తక్కువగా అంచనా వేయవద్దని డబ్ల్యూహెచ్వో చీఫ్ టెడ్రోస్ అధనోమ్ హెచ్చరించారు. వ్యాధి తీవ్రత తక్కువగా ఉన్నదని అలసత్వం వహించవద్దని, కొన్ని ప్రాంతాల్లో మరణాలు ఎక్కువగా ఉన్న విషయాన్ని దృష్టిలో పెట్టుకోవాలని సూచించారు.