3.22 గంటల పాటు చూపుడువేలిపై హాకీ స్టిక్‌

భవానీపట్న: ఒడిశాలో ఓ యువకుడు గిన్నిస్‌ ప్రపంచ రికార్డు సృష్టించేందుకు 3 గంటల 22 నిమిషాల 22 సెకండ్ల పాటు తన కుడిచేతి చూపుడువేలిపై హాకీ స్టిక్‌ను నిలబెట్టి ఉంచాడు. బలాంగీర్‌ జిల్లా కాంటాబాంజీలోని హరిభవన్‌లో రాజ్‌గోపాల్‌ భోయ్‌ (25) ఈ ఫీట్‌ చేశాడు. ప్రస్తుత గిన్నిస్‌ రికార్డు (2 గంటల 22 నిమిషాలు) బెంగళూరుకు చెందిన హిమాన్షు గుప్తా పేరుమీద ఉంది.