HIV injection | హెచ్ఐవీ నిర్మూలనకు సూది మందు.. పరీక్షలు విజయవంతం..!

HIV injection | హెచ్‌ఐవీ ఇన్ఫెక్షన్‌ నుంచి మనుషులను కాపాడేందుకు తయారు చేసిన సూది మందు పరీక్షలు విజయవంతమయ్యాయి. దక్షిణాఫ్రికా, ఉగాండాలలో నిర్వహించిన క్లినికల్‌ ట్రయల్స్‌ సత్ఫలితాలను చూపించాయి.

HIV injection : హెచ్‌ఐవీ ఇన్ఫెక్షన్‌ నుంచి మనుషులను కాపాడేందుకు తయారు చేసిన సూది మందు పరీక్షలు విజయవంతమయ్యాయి. దక్షిణాఫ్రికా, ఉగాండాలలో నిర్వహించిన క్లినికల్‌ ట్రయల్స్‌ సత్ఫలితాలను చూపించాయి. లెనకపవిర్‌ ఇంజెక్షన్‌ (lenacapavir injection) ను ఆరు నెలలకు ఒకసారి చొప్పున, ఏడాదికి రెండుసార్లు ఇవ్వడంవల్ల యువతులను హెచ్‌ఐవీ నుంచి కాపాడవచ్చని ఈ పరీక్షల్లో స్పష్టమైంది.

రోజువారీ మాత్రల రూపంలో ఉన్న ఇతర హెచ్‌ఐవీ ఔషధాల కన్నా లెనకపవిర్‌ ఇంజెక్షన్‌ మెరుగైనదా.. కాదా..? అనే అంశాన్ని ఈ పరీక్షల్లో విశ్లేషించారు. ఈ మూడు ఔషధాలు ప్రీ-ఎక్స్‌పోజర్‌ ప్రొఫిలాక్సిస్‌ (పీఆర్‌ఈపీ) డ్రగ్స్‌ అని పరిశోధకులు తెలిపారు. ఈ ఇంజెక్షన్‌ను అందరికీ అందుబాటులోకి తేవడానికి ప్రయత్నిస్తున్నట్లు గిలీడ్‌ సైన్సెస్‌ (Gilead Sciences) ఓ ప్రకటనలో తెలిపింది.