IndiGo | విమాన ప్రయాణంలో (Air travel) తప్పతాగి వికృత చేష్టలకు పాల్పడుతున్న ఘటనలు.. ఒకటి
తర్వాత ఒకటి వెలుగులోకి వస్తూనే ఉన్నాయి. నవంబరు 26న న్యూయార్క్ నుంచి ఢిల్లీకి వచ్చిన
ఎయిరిండియా (Air India) బిజినెస్ క్లాస్లో ఓ మహిళపై మద్యం (liquor) మత్తులో మూత్ర విసర్జన చేసిన
విషయం వెలుగులోకి వచ్చిన విషయం తెలిసిందే. ఆ తర్వాత కూడా పలు విమానాల్లో ఇలాంటి ఘటనలు
వరుసగా చోటు చేసుకున్నాయి. తాజాగా ఇలాంటి తరహా ఘటనే మరొకటి చోటు చేసుకుంది.
బుధవారం దుబాయ్ (Dubai) నుంచి ముంబై (Mumbai)కి వస్తున్న ఇండిగో (IndiGo) విమానంలో ఇద్దరు ప్రయాణికులు తప్పతాగి తోటి ప్రయాణికులను దుర్భాషలాడారు. పోలీసులు తెలిపిన వివరాల ప్రకారం.. మహారాష్ట్రలోని పాల్ఘర్ (Palghar ), కొల్హాపూర్ (Kolhapur) ప్రాంతాలకు చెందిన ఇద్దరు వ్యక్తులు.. ఏడాదిపాటు గల్ఫ్ (Gulf)లో పనిచేసి తిరిగి స్వగ్రామానికి బయలుదేరారు. గల్ఫ్లో బయలుదేరే ముందు వారు అక్కడి డ్యూటీ ఫ్రీ షాపు (duty-free shop) లో మద్యం కొనుగోలు చేసినట్లు చెప్పారు.
ఆ తర్వాత విమానంలోనే మద్యం సేవించడం ప్రారంభించారు. దీనిపై తోటి ప్రయాణికులు అభ్యంతరం వ్యక్తం చేయగా.. వారిపై దుర్భాషలాడారు. నిందితుల్లో ఒకరు బాటిల్ చేతిలో పట్టుకుని విమానంలో నిర్లక్ష్యంగా నడుస్తూ తోటి ప్రయాణికులను ఇబ్బంది పెట్టాడు. దీంతో.. విమానంలోని సిబ్బంది అతడి చేతిలోని మద్యం బాటిల్ను బలవంతంగా తీసుకోవాల్సి వచ్చింది.
విమానం ముంబైలో లాండ్ అయిన అనంతరం ఇద్దరు నిందితుల్ని అదుపులోకి తీసుకున్నట్లు పోలీసులు
తెలిపారు. తోటి ప్రయాణికులకు ఇబ్బంది కలిగేలా ప్రవర్తించినందుకు గానూ ఇండియన్ పీనల్ కోడ్ 336
(ఇతరుల ప్రాణాలకు, భద్రతకు భంగం కలిగించేలా ప్రవర్తించినందుకు)తో పాటూ ఎయిర్ క్రాప్ట్ రూల్స్లోని
21, 22, 25 నిబంధనల కింద వారిపై కేసు నమోదు చేసినట్లు పోలీసులు వెల్లడించారు.
Also Read..
Amritpal Singh | అమృత్పాల్ సింగ్ భార్యను విచారించిన పోలీసులు
India Corona | మరోసారి కోరలు చాస్తున్న మహమ్మారి.. దేశంలో 140 రోజుల కనిష్ఠానికి కొత్త కేసులు