పావురంపై కేసు.. పాకిస్థాన్‌ స‌రిహ‌ద్దులో ప‌ట్టుకున్న కానిస్టేబుల్‌

న్యూఢిల్లీ: అంత‌ర్జాతీయ స‌రిహ‌ద్దులో ఓ అనుమానాస్ప‌ద పావురాన్ని ప‌ట్టుకొని దానిపై కేసు న‌మోదు చేశారు. పంజాబ్‌లోని బీఓపీ రోర‌న్‌వాలా ద‌గ్గ‌ర కానిస్టేబుల్ నీర‌జ్ కుమార్ విధుల్లో ఉన్న స‌మ‌యంలో ఓ పావురం వ‌చ్చి అత‌నిపై వాలింది. దాని కాళ్ల‌కు ఓ పేప‌ర్ క‌ట్టి ఉన్న‌ట్లు గుర్తించారు. పాక్ స‌రిహ‌ద్దుకు 500 మీట‌ర్ల దూరంలో ఈ నెల 17న ఈ ఘ‌ట‌న జ‌రిగింది.

త‌న‌పై పావురం వాలిన వెంట‌నే ఆ కానిస్టేబుల్ దానిని ప‌ట్టుకున్నాడు. విష‌యాన్ని పోస్ట్ క‌మాండ‌ర్ ఓంపాల్ సింగ్‌కు విష‌యాన్ని వెల్ల‌డించగా వెంట‌నే దానికి స్కానింగ్ నిర్వ‌హించారు. దాని కాలికి క‌ట్టి ఉన్న పేప‌ర్‌పై ఓ నంబ‌ర్ రాసి ఉంది. ఈ ఘ‌ట‌న‌పై అమృత్‌స‌ర్‌లోని క‌హాగ‌ఢ్ పోలీస్ స్టేష‌న్‌లో కేసు న‌మోదు చేశారు. గ‌తేడాది మేలో జ‌మ్ముక‌శ్మీర్‌లోని క‌థువాలో పాకిస్థాన్‌లో నిఘా కోసం శిక్ష‌ణ పొందిన‌ట్లు అనుమానిస్తున్న ఓ పావురాన్ని ఇలాగే ప‌ట్టుకున్నారు.