UPI Payments | ఎండీఆర్‌ చార్జీలపై స్పందించిన కేంద్ర ఆర్థిక మంత్రిత్వశాఖ..!

UPI Payments | త్వరలోనే యూపీఐ (UPI) లావాదేవీలపై మర్చెంట్ ఛార్జీల (MDR)ను విధించాలని కేంద్రం యోచిస్తున్నట్లు వస్తున్న వార్తలపై కేంద్రం స్పందించింది. సోషల్‌ మీడియా వేదికగా జరుగుతున్న ప్రచారం, వార్తలను కేంద్ర ఆర్థిక మంత్రిత్వశాఖ ఖండించింది.

UPI Payments | త్వరలోనే యూపీఐ (UPI) లావాదేవీలపై మర్చెంట్ ఛార్జీల (MDR)ను విధించాలని కేంద్రం యోచిస్తున్నట్లు వస్తున్న వార్తలపై కేంద్రం స్పందించింది. సోషల్‌ మీడియా వేదికగా జరుగుతున్న ప్రచారం, వార్తలను కేంద్ర ఆర్థిక మంత్రిత్వశాఖ ఖండించింది. ఈ వార్తల్లో ఎలాంటి నిజం లేదని.. తప్పుడు వార్తలు, నిరాధారమైనవని, తప్పుదారి పట్టించేవి అని పేర్కొంది. మర్చంట్ టర్నోవర్ కంటే ట్రాన్సాక్షన్ విలువ ఆధారంగానే ఛార్జీలను వసూలు చేయాలని కేంద్ర ప్రభుత్వం యోచిస్తున్నట్లు తెలిసింది. రూ.3 వేల కంటే ఎక్కువ ఉన్న అన్ని యూపీఐ చెల్లింపులపై ఛార్జీలను విధించే అవకాశం ఉందని.. చిన్న మొత్తాలపై ఎలాంటి ఫీజులు ఉండవని వార్తలు వచ్చాయి. అయితే, దీనిపై ఆర్థిక మంత్రిత్వశాఖ స్పందిస్తూ ఎండీఆర్‌ వసూలు చేయబడుతుందనేది ఊహాగానాలు మాత్రమేనని.. ఇందులో ఎలాంటి నిజం లేదని తెలిపింది. ఇలాంటి నిరాధారమైన వార్తలు పౌరుల్లో అనవసరమైన అనిశ్చితి, భయం, అనుమానాలను కలిగిస్తాయని.. యూపీఐ ద్వారా చెల్లింపులను ప్రోత్సహించేందుకు ప్రభుత్వం పూర్తిగా కట్టుబడి ఉందని మంత్రిత్వశాఖ సోషల్‌ మీడియా వేదికగా పేర్కొంది.

Speculation and claims that the MDR will be charged on UPI transactions are completely false, baseless, and misleading.

Such baseless and sensation-creating speculations cause needless uncertainty, fear and suspicion among our citizens.

The Government remains fully committed…

— Ministry of Finance (@FinMinIndia) June 11, 2025