Supreme Court | విభేదాలొచ్చాయ‌ని ఆ బంధాన్ని అత్యాచారంగా ప‌రిగ‌ణించ‌లేం : సుప్రీంకోర్టు

Supreme Court | అత్యాచారం ఆరోపణలతో నమోదైన ఓ కేసు విచారణ సందర్భంగా సుప్రీంకోర్టు (Supreme Court) కీలక వ్యాఖ్యలు చేసింది. ముందుగా ప‌ర‌స్ప‌ర‌ సమ్మతితో కొనసాగించిన బంధంలో విభేదాలు ఏర్పడితే ఆ బంధాన్ని అత్యాచారంగా పరిగణించలేమని కోర్టు పేర్కొన్న‌ది. కేరళ (Kerala) కు చెందిన ఓ వ్యక్తిపై నమోదైన అత్యాచారం, మోసం కేసు విచారణ సందర్భంగా జస్టిస్‌ బీవీ నాగరత్న (Justice BV Nagaratna), జస్టిస్ ఆర్ మ‌హదేవన్ (Justice R Mahadevan) లతో కూడిన ధర్మాసనం ఈ వ్యాఖ్యలు చేసింది.

Supreme Court : అత్యాచారం ఆరోపణలతో నమోదైన ఓ కేసు విచారణ సందర్భంగా సుప్రీంకోర్టు (Supreme Court) కీలక వ్యాఖ్యలు చేసింది. ముందుగా ప‌ర‌స్ప‌ర‌ సమ్మతితో కొనసాగించిన బంధంలో విభేదాలు ఏర్పడితే ఆ బంధాన్ని అత్యాచారంగా పరిగణించలేమని కోర్టు పేర్కొన్న‌ది. కేరళ (Kerala) కు చెందిన ఓ వ్యక్తిపై నమోదైన అత్యాచారం, మోసం కేసు విచారణ సందర్భంగా జస్టిస్‌ బీవీ నాగరత్న (Justice BV Nagaratna), జస్టిస్ ఆర్ మ‌హదేవన్ (Justice R Mahadevan) లతో కూడిన ధర్మాసనం ఈ వ్యాఖ్యలు చేసింది.

సంబంధాలు విఫలమైన తర్వాత క్రిమినల్‌ కేసులుపెట్టే ధోరణి సమాజంలో పెరిగిపోతున్న‌ద‌ని ఈ సందర్భంగా సర్వోన్నత న్యాయస్థానం ఆందోళన వ్యక్తంచేసింది. అత్యాచారం, మోసం అనే రెండు ఆరోపణల మధ్య తేడాను గుర్తించాల్సిన అవసరం ఉందని సుప్రీంకోర్టు వ్యాఖ్యానించింది. ఓ జంట మధ్య బంధం సజావుగా సాగుతున్నప్పుడు వారి మధ్య ఉన్న సాన్నిహిత్యాన్ని, ఆ బంధం చెడిపోయిన తర్వాత అత్యాచారంగా ప‌రిగ‌ణించ‌లేమ‌ని పేర్కొన్న‌ది. పరస్పర అంగీకారంతో ఉన్న సంబంధాన్ని నేరంగా పరిగణించి ఓ వ్యక్తి స్వేచ్ఛ, గౌరవాన్ని హరించే విధంగా చర్యలు తీసుకోలేమ‌ని స్ప‌ష్టంచేసింది.

విఫలమైన బంధాలను క్రిమినల్‌ కేసులుగా మార్చే ధోరణి సాధారణమైపోయిందని సుప్రీంకోర్టు అస‌హ‌నం వ్య‌క్తంచేసింది. ఇదివరకే జరిగిన వివాహాన్ని దాచి ఓ వ్యక్తి తనను రెండో వివాహం చేసుకున్నాడని బాధితురాలు ఆరోపించారు. విషయం తెలిసిన తర్వాత అతడి నుంచి విడాకులు తీసుకున్నట్లు తెలిపారు. మోసం చేసి తనను రెండోపెళ్లి చేసుకున్నందుకుగానూ అతడిపై అత్యాచారం, మోసం, నమ్మకద్రోహం ఆరోపణలతో కేసుపెట్టారు. ఈ కేసును విచారించిన ధర్మాసనం పై వ్యాఖ్య‌లు చేసింది.