చండీగఢ్: రోడ్డు పక్కన నిల్చొన్న వృద్ధ దంపతులను కారు ఢీకొట్టింది. వారి మీదకు దూసుకెళ్లింది. దీంతో ఆ వృద్ధ జంట గాల్లోకి ఎగిరిపడ్డారు. ఈ వీడియో క్లిప్ సోషల్ మీడియాలో వైరల్ అయ్యింది. (Car Hits Elderly Couple) పంజాబ్లోని ముక్త్సర్లో ఈ సంఘటన జరిగింది. ఆదివారం సాయంత్రం 4 గంటల సమయంలో వృద్ధులైన దంపతులు రోడ్డు దాటేందుకు ఒక పక్కగా నిలబడి ఉన్నారు. ఇంతలో వేగంగా వచ్చిన ఒక కారు వారి మీదకు దూసుకెళ్లింది. దీంతో ఆ వృద్ధ జంట గాల్లోకి ఎగిరి పడ్డారు. స్థానికులు వెంటనే స్పందించి అంబులెన్స్కు సమాచారం ఇచ్చారు. దీంతో ఆ వృద్ధ దంపతులను ఆసుపత్రికి తరలించి చికిత్స అందిస్తున్నారు.
కాగా, ఆ కారు అనంతరం ఒక బైక్ను కూడా ఢీ కొట్టింది. దీంతో బైకర్ తీవ్రంగా గాయపడ్డాడు. ఈ సంఘటన తర్వాత కారును వదలి డ్రైవర్ పారిపోయాడు. పోలీసులు కేసు నమోదు చేసి దర్యాప్తు చేస్తున్నారు. పరారీలో ఉన్న కారు డ్రైవర్ను అరెస్ట్ చేసేందుకు ప్రయత్నిస్తున్నారు. వృద్ధ దంపతులకు ప్రాణాపాయం తప్పిందని పోలీసులు తెలిపారు. మరోవైపు ఆ ప్రాంతంలోని సీసీటీవీలో రికార్డైన వీడియో క్లిప్ సోషల్ మీడియాలో వైరల్ అయ్యింది.
An elderly couple standing on the roadside in #Punjab's #Muktsar was badly hit by a speeding car.#RoadAccident #RoadSafety #RoadRage pic.twitter.com/k4cDb2z9kY
— Hate Detector 🔍 (@HateDetectors) April 1, 2024