Haryana Govt | హరియాణా సర్కార్‌ కీలక నిర్ణయం.. ప్రభుత్వ ఆసుపత్రి వైద్యులకు డ్రెస్‌ కోడ్‌..!

హరియాణా ప్రభుత్వం కీలక నిర్ణయం తీసుకుంది. ప్రభుత్వ ఆసుపత్రుల్లో పనిచేసే వైద్యులు, సిబ్బందికి నూతన డ్రెస్‌ కోడ్‌ విధానాన్ని అమల్లోకి తీసుకొచ్చింది. పనివేళల్లో ఫంకీ హెయిర్‌స్టైల్‌, నగలు, మేకప్‌ ధరించకూడదని ఆ రాష్ట్ర మంత్రి అనిల్‌ విజ్‌ వెల్లడించారు.

Haryana Govt | హరియాణా ప్రభుత్వం కీలక నిర్ణయం తీసుకుంది. ప్రభుత్వ ఆసుపత్రుల్లో పనిచేసే వైద్యులు, సిబ్బందికి నూతన డ్రెస్‌ కోడ్‌ విధానాన్ని అమల్లోకి తీసుకొచ్చింది. ప్రభుత్వ ఆసుపత్రి, ఆరోగ్య కేంద్రాల్లో పనిచేసే వైద్యులు, సిబ్బంది పనివేళల్లో ఫంకీ హెయిర్‌స్టైల్‌, నగలు, మేకప్‌, పొడవాటి గోళ్లు, స్కర్టులు ధరించకూడదని ఆ రాష్ట్ర ఆరోగ్య శాఖ మంత్రి అనిల్‌ విజ్‌ వెల్లడించారు. టీ-షర్ట్స్‌, జీన్స్‌లు, లెదర్‌ ప్యాంట్లు, క్రాప్‌టాప్స్‌, స్లీవ్‌ డ్రెస్‌ వంటి దుస్తులు వేసుకుని డ్యూటీకి వస్తే అనుమతించబోమని స్పష్టం చేశారు. ఫార్మల్‌ దుస్తులను మాత్రమే ధరించాలని సూచించారు.

ఉద్యోగుల్లో క్రమశిక్షణ, ఏకత్వం, సమానత్వం ఉండాలనే ఉద్దేశంతోనే ఈ డ్రెస్‌ కోడ్‌ను అమల్లోకి తెచ్చినట్లు అనిల్‌ విజ్‌ తెలిపారు. ఈ డ్రెస్‌ కోడ్‌ను సిబ్బంది తప్పనిసరిగా పాటించాలన్నారు. వారాంతాలు, నైట్‌ షిఫ్టుల్లో ఉన్న సిబ్బంది కూడా ఈ నిబంధనలను తప్పనిసరిగా పాటించాలని స్పష్టం చేశారు. లేనిపక్షంలో క్రమశిక్షణా చర్యలు తీసుకుంటామని హెచ్చరించారు.