Mangoes | వేపచెట్టుకు మామిడికాయలు..! ఆశ్చర్యపోతున్న జనం..! Viral Video

Mangoes | ప్రకృతిలో ఎన్నో వింతలు జరుగుతుంటాయి. ఇవన్నీ చూపరులను విశేషంగా ఆకట్టుకుంటున్నాయి. తాజాగా మధ్యప్రదేశ్‌లో జరిగిన ఘటన అందరినీ ఆశ్చర్యానికి గురి చేస్తున్నది. ఓ వేప చెట్టుకు మామిడికాయలు కాశాయి. వేప చెట్టుకు మామిడి కాయలు ఏంటీ అనుకుంటున్నారా? ఇది నిజమండి బాబు.. ఇందుకు సంబంధించిన వీడియో సోషల్‌ మీడియాలో తెగ వైరల్‌ అవుతున్నది.

Mangoes | ప్రకృతిలో ఎన్నో వింతలు జరుగుతుంటాయి. ఇవన్నీ చూపరులను విశేషంగా ఆకట్టుకుంటున్నాయి. తాజాగా మధ్యప్రదేశ్‌లో జరిగిన ఘటన అందరినీ ఆశ్చర్యానికి గురి చేస్తున్నది. ఓ వేప చెట్టుకు మామిడికాయలు కాశాయి. వేప చెట్టుకు మామిడి కాయలు ఏంటీ అనుకుంటున్నారా? ఇది నిజమండి బాబు.. ఇందుకు సంబంధించిన వీడియో సోషల్‌ మీడియాలో తెగ వైరల్‌ అవుతున్నది. వివరాల్లోకి వెళితే.. భోపాల్‌లోని పంచాయతీ గ్రామీణాభివృద్ధి, కార్మికశాఖ మంత్రి ప్రహ్లాద్‌ సింగ్‌ పటేల్‌ అధికారిక నివాస ప్రాంగణంలో వేప చెట్టు ఉన్నది.

ఈ వేప చెట్టుకు మామిడికాయలు కనిపించాయి. వేపచెట్టుకు మామిడి కాయలు కనిపించడంతో స్వయంగా మంత్రి వీడియో తీసి సోషల్‌ మీడియాలో షేర్‌ చేశారు. ఆ వేడియోలో మామిడికాయలు వేపచెట్టుకు కనిపించాయి. ఈ సందర్భంగా మంత్రి మాట్లాడుతూ.. నా ఇంటి ఆవరణలో వేప చెట్టును దగ్గరకు వెళ్లి చేశారు. దానికి మామిడికాయలు చూసి నా మనసు పులకించింది. ప్రతిభ గల ఓ తోటమాలి కొన్నేళ్ల కిందట ఈ ప్రయోగం చేసి ఉంటాడనుకుంటా. కానీ, ఇది ఒక అద్భుతం అని చెప్పేందుకు ఏమాత్రం తీసిపోదు’ అంటూ కామెంట్‌ను జతచేసి వీడియోను పోస్ట్‌ చేశారు.

ప్రస్తుతం ఈ వీడియో సోషల్‌ మీడియాలో ట్రెండింగ్‌లో ఉన్నది. మంత్రి ప్రహ్లాద్ పటేల్ ఈ సమాచారాన్ని వ్యవసాయ శాస్త్రవేత్తలకు అందించగా.. వారంతా వేపచెట్టును పరిశీలించారు. వేపచెట్టుకు 20 నుంచి 25 ఏళ్ల వయసు ఉంటుందని అంచనవేశారు. వేపచెట్టులో మామిడి కొమ్మను గుర్తించారు. కొన్నిసార్లు మామిడి చెట్ల నుంచి పూతరాలి పక్కన ఉండే చెట్లపై మొక్కలుగా పెరుగుతుంటాయని ఓ వృక్షశాస్త్రవేత్త తెలిపారు. అయితే, వీడియో చూసిన వారంతా దేవుడి మహిమేనని కామెంట్‌ చేస్తున్నారు. మరికొందరు ఆ పండ్లలో మధుమేహాన్ని తగ్గించే గుణాలు ఉండవచ్చని పేర్కొంటున్నారు. మరికొందరు వేపచెట్టు మామిడి కొమ్మతో అంటుకట్టి ఉండవచ్చని మరికొందరు అనుమానం వ్యక్తం చేశారు.

आज भोपाल निवास पर नीम के वृक्ष पर आम के फल देखकर नज़दीक जाकर देखा तो मन गदगद हो गया ।किसी हुनरमंद बागवान ने वर्षों पहले यह प्रयोग किया होगा जो अचंभे से कम नहीं है । pic.twitter.com/TmZ2I0rfjT

— Prahlad Singh Patel (मोदी का परिवार) (@prahladspatel) May 24, 2024