Bharat Rice | మార్కెట్‌లోకి ‘భారత్‌ రైస్‌’.. ప్రారంభించిన కేంద్రమంత్రి.. ఎక్కడ కొనాలంటే..!

Bharat Rice | ఈ ఏడాది దేశంలో బియ్యం ధరలు భారీగా పెరగడంతో కేంద్ర ప్రభుత్వం ‘భారత్‌ రైస్‌’ పేరుతో రాయితీపై బియ్యం అమ్మకాలకు శ్రీకారం చుట్టింది. ఇవాళ (మంగళవారం) సాయంత్రం 4 గంటలకు కేంద్ర ఆహార, పౌరసరఫరాల శాఖ మంత్రి పీయూష్‌ గోయల్‌ ఢిల్లీలోని కర్తవ్యపథ్‌లో ఈ సబ్సిడీ బియ్యం అమ్మకాలను ప్రారంభించారు.

Bharat Rice | ఈ ఏడాది దేశంలో బియ్యం ధరలు భారీగా పెరగడంతో కేంద్ర ప్రభుత్వం ‘భారత్‌ రైస్‌’ పేరుతో రాయితీపై బియ్యం అమ్మకాలకు శ్రీకారం చుట్టింది. ఇవాళ (మంగళవారం) సాయంత్రం 4 గంటలకు కేంద్ర ఆహార, పౌరసరఫరాల శాఖ మంత్రి పీయూష్‌ గోయల్‌ ఢిల్లీలోని కర్తవ్యపథ్‌లో ఈ సబ్సిడీ బియ్యం అమ్మకాలను ప్రారంభించారు.

ఈ రాయితీ బియ్యాన్ని వినియోగదారులకు కిలో రూ.29కే అందజేయనున్నారు. ఇవాళ్టి నుంచి ఎన్‌ఏఎఫ్‌ఈడీ (NAFED), ఎన్‌సీసీఎఫ్‌ (NCCF), కేంద్రీయ భండార్‌ సహా అన్ని ఈ-కామర్స్‌ ప్లాట్‌ఫామ్స్‌లో ఈ బియ్యాన్ని అందుబాటులో ఉంచనున్నారు. ఈ ప్యాక్‌ చేసిన బియ్యం 5 కిలోలు, 10 కిలోల బ్యాగులలో లభ్యమవుతాయి.

దేశంలో పెరుగుతున్న ద్రవ్యోల్బణాన్ని నియంత్రించడానికి కేంద్రం తొలుత ‘భారత్ బ్రాండ్’ కింద తక్కువ ధరకు గోధుమ పిండి, పప్పులు, ఉల్లిపాయలు, టమోటాల విక్రయాలను ప్రారంభించింది. ‘భారత్‌ ఆటా’ను 2023 నవంబరు 6న మార్కెట్‌లోకి తీసుకొచ్చింది.

కాగా, తొలి దశలో 5 లక్షల టన్నుల భారత్‌ బ్రాండ్‌ బియ్యాన్ని విక్రయించాలని కేంద్రం నిర్ణయించింది. గత ఏడాదితో పోలిస్తే బియ్యం రిటైల్ ధరలు 13.8 శాతం, హోల్‌సేల్ ధరలు 15.7 శాతం పెరిగాయి. ఈ నేపథ్యంలో ప్రజలకు సరసమైన ధరలకే బియ్యం అందించాలనే ఉద్దేశంతో కేంద్రం భారత్‌ రైస్‌ను తీసుకువచ్చింది.