న్యూఢిల్లీ: అందమైన ఈ అమ్మాయిని చూశారా. ఈమె మోడల్ కాదు.. ఇప్పుడు ఎమ్మెల్యే. మిజోరం అసెంబ్లీ ఎన్నికల్లో .. జోరం పీపుల్స్ మూమెంట్ పార్టీ తరపున ఆమె విక్టరీ కొట్టారు. 32 ఏళ్ల ఈమె పేరు బారిల్ వన్నెసంగి(Baryl Vanneihsangi). మిజోరం యువ మహిళ ఎమ్మెల్యేగా ఈమె రికార్డు క్రియేట్ చేసింది. ఐజ్వాల్ సౌత్-3 నియోజకవర్గం నుంచి బారిల్ గెలుపొందారు. 1414 ఓట్ల తేడాతో ఆమె విజయం సాధించారు.
ఇన్స్టాగ్రామ్లో వన్నెసంగి చాలా పాపులర్. షిల్లాంగ్లోని నార్త్ ఈస్ట్రన్ హిల్ యూనివర్సిటీ లో ఆమె ఆర్ట్స్ లో మాస్టర్స్ డిగ్రీ చేశారు. గతంలో ఆమె రేడియో జాకీగా చేశారు. టెలివిజన్ ప్రజెంటర్గా కూడా చేసిందామె. ఇక ఇన్స్టాగ్రామ్లో ఆమెకు 2.5 లక్షల మంది ఫాలోవర్లు కూడా ఉన్నారు.
లింగ సమానత్వం కోసం కొత్తగా ఎన్నికైన బారిల్ చాన్నాళ్ల నుంచి పోరాటం చేస్తున్నారు. ప్రభుత్వ వ్యవస్థలోకి మహిళలు పెద్ద సంఖ్యలో రావాలన్న నినాదాన్ని ఆమె వినిపించారు. మిజోరం ఎన్నికల్లో ఈసారి ముగ్గురు మహిళలు ఎమ్మెల్యేగా గెలిచారు. ఆ రాష్ట్రంలో మొత్తం 40 స్థానాలు ఉన్నాయి.