నెతన్యాహు ఔట్‌?

గతవారం జరిగిన సార్వత్రిక ఎన్నికల తర్వాత తదుపరి ప్రభుత్వాన్ని ఏర్పాటు చేసేందుకు ప్రతిపక్ష కూటమి నాయకుడు గాడి ఐసెన్‌కోట్‌ను సిఫార్సు చేయనున్నట్టు ఇజ్రాయెల్‌లోని అతిపెద్ద అరబ్‌ రాజకీయ కూటమి జాయింట్‌ లిస్ట్‌ గురువారం ప్రకటించింది.

• ప్రతిపక్ష కూటమికి అరబ్‌ పార్టీల మద్దతు
• ఇజ్రాయెల్‌ కొత్త ప్రధానిగా గాడి ఐసెన్‌కోట్‌!

న్యూఢిల్లీ, నవంబర్‌ 6: గతవారం జరిగిన సార్వత్రిక ఎన్నికల తర్వాత తదుపరి ప్రభుత్వాన్ని ఏర్పాటు చేసేందుకు ప్రతిపక్ష కూటమి నాయకుడు గాడి ఐసెన్‌కోట్‌ను సిఫార్సు చేయనున్నట్టు ఇజ్రాయెల్‌లోని అతిపెద్ద అరబ్‌ రాజకీయ కూటమి జాయింట్‌ లిస్ట్‌ గురువారం ప్రకటించింది.

జాయింట్‌ లిస్ట్‌ మద్దతుకు తోడు నెతన్యాహు చిరకాల మిత్రపక్షమైన యునైటెడ్‌ తోరా జుడాయిజం(యూటీజే) ఏ అభ్యర్థినీ సిఫార్సు చేయకూడదని తీసుకున్న నిర్ణయం ఐసెన్‌కోట్‌ స్థానాన్ని బలోపేతం చేసింది. ప్రభుత్వ ఏర్పాటు బాధ్యతను గాడి ఐసెన్‌కోట్‌కు అప్పగించాలని సిఫార్సు చేయాలనే తమ నిర్ణయాన్ని దేశాధ్యక్షుడు హెర్జాగ్‌కు తెలియచేయనున్నట్టు జాయింట్‌ లిస్ట్‌ తెలిపింది. జాయింట్‌ లిస్ట్‌కు 11, రామ్‌ 8 స్థానాలను దక్కించుకుంది.