Viral Video | స‌ఫారీ కారు వెంట‌ప‌డిన ఖ‌డ్గ‌మృగం..చివ‌రి నిమిషంలో ఏమైందంటే..!
స‌ఫారీ కారును ఖ‌డ్గ‌మృగం ఏకంగా కిలోమీట‌ర్ పైగా వెంబ‌డించిన వీడియో (Viral Video) సోష‌ల్ మీడియాలో వైర‌ల్‌గా మారింది. స‌ఫారీ వాహ‌నాన్ని ఛేజ్ చేస్తూ ఖ‌డ్గ‌మృగం పరుగు లంకించుకోవ‌డంతో టూరిస్టులు వ‌ణికిపోయారు.
న్యూఢిల్లీ : జంగిల్ స‌ఫారీల్లో ఇటీవ‌ల టూరిస్టుల‌కు జంతువుల నుంచి చేదు అనుభ‌వాలు ఎదుర‌వుతున్నాయి. మృగాలకు అతిద‌గ్గ‌ర‌గా టూరిస్టులు వెళుతున్న సంద‌ర్భాల్లోనూ అనుకోని ఘ‌ట‌న‌లు చోటు చేసుకుంటున్నాయి. తాజాగా స‌ఫారీ కారును ఖ‌డ్గ‌మృగం ఏకంగా కిలోమీట‌ర్ పైగా వెంబ‌డించిన వీడియో (Viral Video) సోష‌ల్ మీడియాలో వైర‌ల్‌గా మారింది.
View this post on Instagram
స‌ఫారీ వాహ‌నాన్ని ఛేజ్ చేస్తూ ఖ‌డ్గ‌మృగం పరుగు లంకించుకోవ‌డంతో టూరిస్టులు వ‌ణికిపోయారు. స‌ఫారీ కారు డ్రైవ‌ర్ చాక‌చ‌క్యంతో వ్య‌వ‌హ‌రించి వాహ‌నాన్ని వేగంగా ప‌రుగెత్తించ‌డంతో టూరిస్టులు ఊపిరిపీల్చుకున్నారు. ఈ వీడియోను లేటెస్ట్ క్ర‌గ‌ర్ ఇన్‌స్టాగ్రాంలో షేర్ చేయ‌గా నెటిజ‌న్ల నుంచి మెరుగైన స్పంద‌న ల‌భించింది. ఈ వీడియోలో ఖ‌డ్గ‌మృగం ఆగ్ర‌హంతో స‌ఫారీ కారును వెంబ‌డించ‌డం క‌నిపిస్తుంది. క్లిప్ చివ‌రి వ‌ర‌కూ ఖ‌డ్గ‌మృగం కారు వెంట వేగంగా ప‌రిగెత్తుతుంది.
కారులో కూర్చున్న అన‌స్త‌సియా చాప్‌మ‌న్ అనే టూరిస్ట్ తొలుత ఈ క్లిప్‌ను షేర్ చేశారు. ఖ‌డ్గ‌మృగం త‌మ కారును వెంబ‌డిస్తూ కిలోమీట‌ర్ పాటు ఛేజ్ చేసింది..బుర‌ద, గుంట‌ల‌తో కూడిన రోడ్డుపై కారును వేగంగా పోనిస్తూ టూరిస్టుల‌ను కాపాడేందుకు డ్రైవ‌ర్ చాక‌చ‌క్యంగా వ్య‌వ‌హ‌రించాడు. ఇప్ప‌టివ‌ర‌కూ జంతువుల‌తో త‌మ‌కెదురైన టాప్ 5 ప్ర‌మాద‌క‌ర ఘ‌ట‌న‌ల్లో ఇది ఒక‌ట‌ని త‌మ గైడ్ చెప్పార‌ని పోస్ట్‌కు క్యాప్ష‌న్ ఇచ్చారు. ఈ పోస్ట్‌కు ఇప్ప‌టివ‌ర‌కూ 3.2 ల‌క్షల వ్యూస్ ల‌భించాయి.
Read More :
Cyber Crime Police | సోష‌ల్ మీడియా ట్రోల‌ర్స్‌కు సైబ‌ర్ క్రైమ్ పోలీసులు నోటీసులు
Viral Video | ఆనంద్ మ‌హీంద్రాను ఆక‌ట్టుకున్న వీడియో..!
Read Today's Latest National News in Telugu and Telugu News
- Follow Us :
-
