Bus Falls Into River | అలకనంద నదిలో పడిపోయిన బస్సు.. ఒకరు మృతి.. పలువురు గల్లంతు

Bus Falls Into River | ఉత్తరాఖండ్‌ (Uttarakhand)లో ఘోర ప్రమాదం చోటు చేసుకుంది. బస్సు అదుపుతప్పి అలకనంద నది (Alakananda River)లో పడిపోయింది.

June 26, 2025 / 10:06 AM IST

Bus Falls Into River | అలకనంద నదిలో పడిపోయిన బస్సు.. ఒకరు మృతి.. పలువురు గల్లంతు

Bus Falls Into River | ఉత్తరాఖండ్‌ (Uttarakhand)లో ఘోర ప్రమాదం చోటు చేసుకుంది. బస్సు అదుపుతప్పి అలకనంద నది (Alakananda River)లో పడిపోయింది. ఈ ఘటనలో ఒకరు ప్రాణాలు కోల్పోగా.. పలువురు గల్లంతయ్యారు. రుద్రప్రయాగ్‌ (Rudraprayag) జిల్లాలో గురువారం ఈ ఘటన చోటు చేసుకుంది.

బద్రీనాథ్‌ నుంచి పర్యాటకులతో వెళ్తున్న బస్సు ఘోల్తీర్‌ ప్రాంతం వద్ద అదుపుతప్పి అలకనంద నదిలో పడిపోయింది. సమాచారం అందుకున్న అధికారులు, రెస్క్యూ టీమ్‌ హుటాహుటిన ఘటనాస్థలికి చేరుకొని సహాయక చర్యలు చేపట్టింది. ఈ ప్రమాదంలో ఇప్పటి వరకూ ఒకరు ప్రాణాలు కోల్పోయారు. సుమారు 10 మంది గల్లంతయ్యారు. ఏడుగురిని అధికారులు సురక్షితంగా కాపాడారు. వారిని చికిత్స నిమిత్తం స్థానిక ఆసుపత్రికి తరలించారు. గల్లంతైన వారి కోసం నదిలో గాలింపు చేపడుతున్నారు. ప్రమాద సమయంలో బస్సులో 18 మంది ప్రయాణికులు ఉన్నట్లు తెలిసింది. అయితే, ప్రస్తుతం ఉత్తరాదిన భారీ వర్షాలు కురుస్తున్న విషయం తెలిసిందే. దీంతో అలకనంద నది ఉప్పొంగి ప్రవహిస్తోంది. ఈ కారణంగా సహాయక చర్యలకు ఆటంకం కలుగుతున్నట్లు అధికారులు తెలిపారు.

#WATCH | Uttarakhand | One person dead, seven injured after an 18-seater bus falls into the Alaknanda river in Gholthir of Rudraprayag district. Teamsof SDRF, Police and Administration conduct search and rescue oeprationd

Video source: Police pic.twitter.com/dgdznAc0ck

— ANI (@ANI) June 26, 2025