House Slab Collapses | కూలిన నిర్మాణంలో ఉన్న స్లాబ్‌.. ఒక కార్మికుడు మృతి, నలుగురికి గాయాలు

House Slab Collapses | నిర్మాణంలో ఉన్న ఒక ఇంటికి స్లాబ్‌ వేస్తుండగా అది కూలిపోయింది. ఆ సమయంలో పని చేస్తున్న కార్మికులు శిథిలాల కింద చిక్కుకున్నారు. పోలీసులు, సహాయక సిబ్బంది కలిసి సహాయక చర్యలు చేపట్టారు. ఒక కూలీ మరణించగా మరో నలుగురు గాయపడ్డారు.

లక్నో: నిర్మాణంలో ఉన్న ఒక ఇంటికి స్లాబ్‌ వేస్తుండగా అది కూలిపోయింది. ఆ సమయంలో పని చేస్తున్న కార్మికులు శిథిలాల కింద చిక్కుకున్నారు. పోలీసులు, సహాయక సిబ్బంది కలిసి సహాయక చర్యలు చేపట్టారు. ఒక కూలీ మరణించగా మరో నలుగురు గాయపడ్డారు. (House Slab Collapses) ఉత్తరప్రదేశ్‌లోని ఘజియాబాద్ జిల్లాలో ఈ సంఘటన జరిగింది. మోదీనగర్‌లోని సిక్రి గ్రామంలో ఒక ఇంటిని నిర్మిస్తున్నారు. శనివారం కాంక్రీట్ స్లాబ్ వేస్తుండగా సెంట్రింగ్‌ కూలిపోయింది. అక్కడ పనిచేస్తున్న కార్మికులు ఆ శిథిలాల కింద చిక్కుకున్నారు.

కాగా, ఈ సమాచారం తెలిసిన వెంటనే పోలీసులు, అగ్నిమాపక సిబ్బంది, ఎన్డీఆర్ఎఫ్, ఎస్డీఆర్ఎఫ్ బృందాలు సంఘటనా స్థలానికి చేరుకున్నారు. సహాయక చర్యలు చేపట్టారు. శిథిలాల కింద చిక్కుకున్న ఐదుగురు కార్మికులను రక్షించారు. వారిని ఆసుపత్రికి తరలించగా ఒక కార్మికుడు మరణించాడు. మిగతా నలుగురు చికిత్స పొందుతున్నారు. పోలీసులు ఈ సంఘటనపై కేసు నమోదు చేసి దర్యాప్తు చేస్తున్నారు.