Sri Rama Navami | కోటమర్తిలో ఘనంగా సీతారాముల కల్యాణం

Sri Rama Navami | శ్రీరామ నవమిని పురస్కరించుకుని అడ్డగూడూరు మండలంలోని వివిధ గ్రామాల్లోగల రామాలయాలు, ఆంజనేయ స్వామి ఆలయాల్లో సీతారాముల కల్యాణోత్సవాన్ని అంగరంగ వైభవంగా నిర్వహించారు.

అడ్డగూడూరు : శ్రీరామ నవమిని పురస్కరించుకుని అడ్డగూడూరు మండలంలోని వివిధ గ్రామాల్లోగల రామాలయాలు, ఆంజనేయ స్వామి ఆలయాల్లో సీతారాముల కల్యాణోత్సవాన్ని అంగరంగ వైభవంగా నిర్వహించారు. కోటమర్తి గ్రామంలోని ప్రసిద్ధ ఆంజనేయ స్వామి ఆలయంలో గ్రామస్తులు రాములోరి కల్యాణాన్ని ఘనంగా నిర్వహించారు. సీతారాములను పట్టు వస్త్రాలు, బంగారు ఆభరణాలతో అలంకరించి కల్యాణం జరిపించారు.

వేద బ్రాహ్మణుల మంత్రోచ్చరణలు, బాజా బజంత్రీలతో సీతమ్మ, రామచంద్రస్వామి వార్ల కల్యాణం జరిగింది. గ్రామ ప్రజలు పెద్ద సంఖ్యలో ఈ కల్యాణోత్సవంలో పాల్గొన్నారు. సీతారాముల కల్యాణాన్ని తిలకించి పులకించారు. కాగా శ్రీరామ నవమి పర్వదినాన్ని పురస్కరించుకుని గ్రామస్తులు ఉదయం నుంచే ఆలయానికి బారులు తీరారు. సంప్రదాయ వస్త్రధారణలో ఆలయానికి వచ్చి పూజలు చేశారు. సీతారాముల ఆశీస్సులతోపాటు ఆంజనేయస్వామి ఆశీర్వాదాలను కూడా తీసుకున్నారు.