Yadagirigutta | యాదగిరిగుట్టపై దర్శన క్యూలైన్ గ్రిల్‌లో ఇరుక్కున్న బాలుడి తల..కాపాడిన భక్తులు

Yadagirigutta | యాదగిరిగుట్టలో లక్ష్మినరసింహస్వామిని దర్శించుకునేందుకు వచ్చిన బాలుడు ప్రమాదానికి గురయ్యాడు.

యాదాద్రి భువనగిరి : యాదగిరిగుట్టలో (Yadagirigutta) లక్ష్మినరసింహస్వామిని దర్శించుకునేందుకు వచ్చిన బాలుడు(Boy) ప్రమాదానికి గురయ్యాడు. సకాలంలో తొటి భక్తులు స్పందించి కాపాడడంతో పెను ప్రమాదం తప్పింది. హైదరాబాద్‌లోని బోడుప్పల్‌కు (Boduppal) చెందిన ఓ కుటుంబం శనివారం రాత్రి యాదగిరిగుట్టకు వచ్చింది.

ఆదివారం ఉదయం కుటుంబ సభ్యులతో కలిసి ప్రత్యేక దర్శన క్యూ లైన్లో నిలబడ్డారు. ఆ సమయంలో వారి కుమారుడు దయాకర్‌ తల క్యూలైన్‌లోని గ్రిల్‌లో (Grill) ఇరుక్కుపోయింది. దీంతో ఆందోళనకు గురైన కుటుంబం బాలుడి తలను గ్రిల్‌ నుంచి తీసేందుకు ప్రయత్నించి విఫలమైంది. ఈ దశలో సహచర భక్తులు కలుగజేసుకుని గ్రిల్‌ రాడ్లను పక్కకు తొలగించి గ్రిల్‌లో ఇరుక్కున్న బాలుడి తలను భయటకు తీయడంతో ప్రమాదం తప్పింది.