ఘనంగా కేటీఆర్‌ పుట్టినరోజు వేడుకలు

బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ పుట్టినరోజు వేడుకలను ఉమ్మడి నల్లగొండ జిల్లాలో శుక్రవారం ఘనంగా నిర్వహించారు. నకిరేకట్‌లోని మెయిన్‌ సెంటర్‌లో మాజీ ఎమ్మెల్యే చిరుమర్తి లింగయ్య కేక్‌ కట్‌ చేసి స్వీట్లు పంపిణీ చేశారు.

July 25, 2026 / 06:59 AM IST

యాదాద్రి భువనగిరి, జూలై 24 (నమస్తే తెలంగాణ): బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ పుట్టినరోజు వేడుకలను ఉమ్మడి నల్లగొండ జిల్లాలో శుక్రవారం ఘనంగా నిర్వహించారు. నకిరేకట్‌లోని మెయిన్‌ సెంటర్‌లో మాజీ ఎమ్మెల్యే చిరుమర్తి లింగయ్య కేక్‌ కట్‌ చేసి స్వీట్లు పంపిణీ చేశారు. తెలంగాణలో ఐటీ రంగాన్ని, పారిశ్రామిక ప్రగతిని అభివృద్ధి చేసిన ఘనత కేటీఆర్‌దే అని, కేటీఆర్‌ లాంటి మహానాయకుడు దేశానికి అవసరమని, ఆయన నిండునూరెండ్లు ఆయురారోగ్యాలతో ప్రజాసేవలో కొనసాగాలని ఆకాక్షించారు.

నార్కట్‌పల్లి బస్టాండ్‌ ఆవరణలో కేక్‌ కట్‌ చేసి మిఠాయిలు పంచారు. దేవరకొండలో కేక్‌ కట్‌ చేసిన అనంతరం ప్రభుత్వ దవాఖానలో బీఆర్‌ఎస్‌ నల్లగొండ జిల్లా అధ్యక్షుడు, మాజీ ఎమ్మెల్యే రమావత్‌ రవీంద్రకుమార్‌ రోగులకు పండ్లు పంపిణీ చేశారు. నిడమనూరులో మాజీ ఎమ్మెల్యే నోముల భగత్‌కుమార్‌ కేక్‌ కట్‌ చేసి అందరికీ పంచిపెట్టారు. ప్రాథమిక ఆరోగ్య కేంద్రం ఆవరణలో ట్రైకార్‌ మాజీ చైర్మన్‌ ఇస్లావత్‌ రాంచందర్‌ నాయక్‌తో కలిసి మొక్కలు నాటారు. సూర్యాపేటలోని ఎమ్మెల్యే క్యాంపు కార్యాలయంలో బీఆర్‌ఎస్‌ రాష్ట్ర కార్యదర్శి వై.వెంకటేశ్వర్లు పార్టీ శ్రేణులతో కలిసి కేక్‌ కట్‌ చేసి కేటీఆర్‌కు పుట్టినరోజు శుభాకాంక్షలు తెలిపారు.