‘పట్టభద్రులందరూ ఎమ్మెల్సీ ఓటు నమోదు చేసుకోవాలి’

గ్రాడ్యూయేట్ ఎమ్మెల్సీ ఎన్నిక‌ల నేప‌థ్యంలో పట్టభద్రులందరూ ఓటు హ‌క్కు నమోదు చేసుకోవాలని బీఆర్ఎస్ పార్టీ నాయకుడు నట్వ గిరిధర్ కోరారు. శుక్రవారం చింతపల్లి మండల కేంద్రంలో బీఆర్ఎస్ ఆధ్వర్యంలో పట్టభద్రుల ఓటరు నమోదు కార్యక్రమాన్ని...

మాల్, అక్టోబర్ 30 : గ్రాడ్యూయేట్ ఎమ్మెల్సీ ఎన్నిక‌ల నేప‌థ్యంలో పట్టభద్రులందరూ ఓటు హ‌క్కు నమోదు చేసుకోవాలని బీఆర్ఎస్ పార్టీ నాయకుడు నట్వ గిరిధర్ కోరారు. శుక్రవారం చింతపల్లి మండల కేంద్రంలో బీఆర్ఎస్ ఆధ్వర్యంలో పట్టభద్రుల ఓటరు నమోదు కార్యక్రమాన్ని నిర్వహించారు. ఈ కార్యక్రమానికి గిరిధ‌ర్ ముఖ్య అతిథిగా హాజరై మాట్లాడారు. వరంగల్–ఖమ్మం–నల్లగొండ పట్టభద్రుల ఎమ్మెల్సీ నియోజకవర్గ పరిధిలో ఓటు హక్కు పొందేందుకు అర్హత కలిగిన పట్టభద్రులు తమ పేర్లను తప్పనిసరిగా నమోదు చేసుకోవాలని పిలుపునిచ్చారు. చింతపల్లి మండలంలోని అన్ని గ్రామాల్లో ఉన్న అర్హులైన పట్టభద్రులకు ఎమ్మెల్సీ ఓటు నమోదు ప్రక్రియపై అవగాహన కల్పించడంతో పాటు, ప్రతి ఒక్కరూ ఓటరుగా నమోదు అయ్యేలా పార్టీ నాయకులు, కార్యకర్తలు కృషి చేయాలని తెలిపారు. పట్టభద్రుల సౌకర్యార్థం చింతపల్లి మండల కేంద్రంలో బీఆర్ఎస్ పార్టీ ఆధ్వర్యంలో ఉచితంగా ఓటరు నమోదు కార్యక్రమం చేపడుతున్నట్లు వెల్లడించారు. ఈ కార్యక్రమంలో బీఆర్ఎస్ నాయకులు లింగంపల్లి భాస్కర్, కొలుకులపల్లి కొండల్, నల్ల శంకర్, ఎండీ ఫయాజ్, సిద్ధే స్వామి, సల్మాన్ పాల్గొన్నారు.