సంగారెడ్డి/మెదక్, మార్చి 31 (నమస్తే తెలంగాణ) : ఎన్నికల కోడ్ ఉల్లంఘనలపై సి-విజిల్ యాప్ ద్వారా ప్రజలు ఫిర్యాదు చేయాలని సంగారెడ్డి జిల్లా కలెక్టర్ వల్లూరి క్రాంతి, మెదక్ పార్లమెంట్ రిటర్నింగ్ అధికారి రాహుల్రాజ్ ఆదివారం ఒక ప్రకటనలో తెలిపారు. అక్రమంగా నగదు, మద్యం, ఇతర వస్తువులు పంపిణీ చేయ డం, ఎన్నికల కోడ్ ఉల్లంఘనలకు పాల్పడే వాటిని లైవ్ఫొటోలు, లైవ్ వీడియోలను సి-విజిల్ యాప్ ద్వారా తీసి పంపాలని సూచించారు.
అందిన ఫిర్యాదులపై వంద నిమిషాల్లో సంబంధిత అధికారులు చర్యలు తీసుకుంటారని, లైవ్ఫొటోలు, వీడియోలను తీసేటప్పుడు, అప్లోడ్ చేసే సమయంలో జీపీఎస్ ఆన్లో ఉంచాలని, జియోగ్రాఫిక్ ఇన్ఫర్మేషన్ ద్వారా లొకేషన్ నమోదవుతుందని, సభలు, సమావేశాల్లో విద్వేషపూరిత కామెంట్స్ చేసినా, పార్టీ అభ్యర్థులు పంచే డబ్బులు, మద్యం, బహుమతులు లాంటి వివరాలను, అనుమతి లేకుండా ర్యాలీలు నిర్వహించినా, ఇతర ఎన్నికల ఉల్లంఘనలపై లైవ్ఫొటోలు, వీడియోలు సి-విజిల్ యాప్ ద్వారా పంపాలని సూ చించారు. సి-విజిల్ యాప్ను తమ ఫోన్లోని ప్లేస్టోర్ నుంచి డౌన్లోడ్ చేసుకోవచ్చని తెలిపారు. 1950 టోల్ఫ్రీ ద్వారా ఫిర్యాదులు చేయవచ్చని, సి-విజిల్ యాప్ ఫిర్యాదులపై మెదక్ కలెక్టరేట్లో 24గంటలు పర్యవేక్షిస్తారని తెలిపారు. ఫిర్యాదు చేసిన వారి పేర్లు, సెల్నంబర్లు గోప్యంగా ఉంచుతామని వెల్లడించారు.