వ్యసనాలకు దూరంగా ఉండాలి

విద్యార్థులు వ్యసనాల బారిన పడకుండా, ఓ లక్ష్యాన్ని ఎంచుకొని ఆ దిశగా కృషి చేయాలని సిద్దిపేట జడ్పీ చైర్‌పర్సన్‌ రోజాశర్మ, కలెక్టర్‌ ఎం.మను చౌదరి అన్నారు. బుధవారం ‘అంతర్జాతీయ మాదక ద్రవ్యాలు-అక్రమ రవాణా వ్యతిరేక దినోత్సవం’

• సిద్దిపేట జడ్పీ చైర్‌పర్సన్‌ రోజాశర్మ, కలెక్టర్‌ మనుచౌదరి

సిద్దిపేట అర్బన్‌, జూన్‌ 26 : విద్యార్థులు వ్యసనాల బారిన పడకుండా, ఓ లక్ష్యాన్ని ఎంచుకొని ఆ దిశగా కృషి చేయాలని సిద్దిపేట జడ్పీ చైర్‌పర్సన్‌ రోజాశర్మ, కలెక్టర్‌ ఎం.మను చౌదరి అన్నారు. బుధవారం ‘అంతర్జాతీయ మాదక ద్రవ్యాలు-అక్రమ రవాణా వ్యతిరేక దినోత్సవం’ సందర్భంగా మహిళా శిశు, వయోవృద్ధ్దుల సంక్షేమ శాఖ ఆధ్వర్యంలో సిద్దిపేట పట్టణంలో ప్రభు త్వ జూనియర్‌ కళాశాల మైదానం నుంచి మోడల్‌ బస్టాండ్‌ వరకు నిర్వహించిన ర్యాలీని కలెక్టర్‌ మను చౌదరితో కలిసి జడ్పీ చైర్‌పర్సన్‌ రోజాశర్మ జెండా ఊపి ప్రారంభించారు. ఈ సందర్భంగా కలెక్టర్‌ మాట్లాడుతూ.. మాదక ద్రవ్యాల నిర్మూలన వంటి విషయాలపై విద్యార్థులకు అవగాహన కల్పించాలని అధికారులకు సూచించారు. ఎక్కడైనా మాదక ద్రవ్యాలు విక్రయించినా, రవాణా చేసినా వెంటనే పోలీసులకు సమాచారం అందించాలన్నారు. పేర్లు గోప్యంగా ఉంచుతామన్నారు. జడ్పీ చైర్‌పర్సన్‌ రోజాశర్మ మాట్లాడుతూ.. వ్యసనాల కారణంగా చాలామంది జీవితాలు నాశనం చేసుకుంటున్నారని తెలిపారు. చదువుపైనే దృష్టిపెట్టి బంగారు భవిష్యత్తుకు బాటలు వేసుకోవాలన్నారు. అంతకుముందు ‘డ్రగ్స్‌ నో చెప్పండి’ అనే వాల్‌పోస్టర్‌ను ఆవిష్కరించారు. కార్యక్రమంలో జిల్లా సంక్షేమ అధికారి శారద, ఎక్సైజ్‌ సూపరింటెండెంట్‌ శ్రీనివాసమూర్తి, డీఆర్‌డీవో జయదేవ్‌ ఆర్యా పాల్గొన్నారు.