పర్మినెంట్‌ ఏవో లేక అవస్థలు

సిద్దిపేట జిల్లా రాయపోల్‌ మండలంలో వ్యవసాయాధికారులు అందుబాటు లేక రైతులకు ఇక్కట్లు తప్పడం లేదు. గతంలో జీలుగు విత్తనాలు అందించడంలో ఆ శాఖ అధికారులు పట్టించుకోలేదు. దీంతో అప్పట్లో తీవ్ర విమర్శలు వచ్చినప్పటికీ మండలానికి పర్మినెంట్‌ వ్యవసాయాధికారి లేక రైతులు ఇబ్బందులు పడుతున్నారు.

• ఇన్‌చార్జి పాలనతో విసుగెత్తుతున్న రైతులు
• అందుబాటులో ఉండని వ్యవసాయాధికారులు
• సిద్దిపేట జిల్లా రాయపోల్‌ మండల రైతులకు తప్పని ఇబ్బందులు

రాయపోల్‌, జూలై 17: సిద్దిపేట జిల్లా రాయపోల్‌ మండలంలో వ్యవసాయాధికారులు అందుబాటు లేక రైతులకు ఇక్కట్లు తప్పడం లేదు. గతంలో జీలుగు విత్తనాలు అందించడంలో ఆ శాఖ అధికారులు పట్టించుకోలేదు. దీంతో అప్పట్లో తీవ్ర విమర్శలు వచ్చినప్పటికీ మండలానికి పర్మినెంట్‌ వ్యవసాయాధికారి లేక రైతులు ఇబ్బందులు పడుతున్నారు. వ్యవసాయం కోసం తగు సలహాలు, సూ చనలు ఇవ్వాల్సిన అధికారులు మండలానికి ఎప్పుడు వస్తున్నారో, ఎప్పుడు పోతున్నారో తెలియని పరిస్థితి నెలకొన్నది. గత సంవత్సరం నుంచి మండలానికి ఇన్‌చార్జి వ్యవసాయాధికారిని నియమించారు.

దీంతో రైతులకు కష్టాలు మొదలయ్యాయి. పర్మినెంట్‌ వ్యవసాయాధికారి లేక మండల రైతులు అనేక ఇబ్బందులు పడుతున్నారు. గజ్వేల్‌ ఏవోకు రాయపోల్‌ మండల ఇన్‌చార్జి బాధ్యతలు అప్పగించారు క్టస్టర్‌ ఏఈవోలు గ్రామాలకు వచ్చినా రైతులకు ఫలితం లేకుండా పోతున్నది. వానకాలంలో రైతులు తీసుకోవాల్సిన సలహాలు, సూచనలు ఇచ్చేవారు కరువయ్యారు. ఫర్టిలైజర్‌ షాపులను తనిఖీ చేయాల్సిన అధికారులు అటు వైపు కన్నెతి కూడా చూడడం లేదు. అన్ని రకాల విత్తనాలు అందుబాటులో ఉండే విధంగా వ్యవసాయాధికారులు చర్యలు తీసుకోవాలని డిమాండ్‌ చేస్తున్నారు. జిల్లా అధికారు లు స్పందించి మండలానికి పర్మినెంట్‌ ఏవో ను నియమించాలని రైతులు కోరుతున్నారు.