మక్తల్ అర్బన్, నవంబర్ 22 : వర్కటం సేవలు అభినందనీయమని బాలుర ఉన్నత పాఠశాల ప్రధానోపాధ్యాయుడు అనిల్గౌడ్ అన్నారు. పట్టణంలోని బాలుర ఉన్నత పాఠశాలకు వీజేఆర్ ఫౌండేషన్ వ్యవస్థాపకుడు వర్కటం జగన్నాథ్రెడ్డి కం ప్యూటర్, ప్రింటర్, స్కానర్ పరికరాలను మంగళవారం అనిల్గౌడ్, ఉపాధ్యాయ బృందానికి అందజేశారు.
ఈ సందర్భంగా వర్కటం మాట్లాడుతూ అనిల్గౌడ్ ఆన్లైన్లో విద్యార్థుల నమోదు వివరాలు చేయడానికి కంప్యూటర్ కావాలని కోరడంతో పై పరికరాలు అందజేశామని తెలిపారు. తమవంతుగా పరిసర గ్రామాల ప్రజలు సహాయం కావాలని కోరిన వారికి అందజేస్తానన్నారు.
అనంతరం అనిల్గౌడ్ మాట్లాడుతూ వీజేఆర్ ఫౌండేషన్ సంస్థ నుంచి స్టడీ మెటీరియల్స్, కంప్యూటర్, ప్రింటర్, స్కానర్ అందజేశారన్నారు. సంస్థ భవిష్యత్తులో ఉత్తమస్థాయికి వెళ్లాలన్నారు. అదేవిధంగా కాళ్లకు చెప్పులు లేకుండా విద్యార్థులు వస్తున్నారని వారికి సహాయం చేయాలన్నారు. కార్యక్రమంలో ఉపాధ్యాయులు, విద్యార్థులు పాల్గొన్నారు.