విద్యార్థిపై ప్రిన్సిపల్‌ లైంగికదాడికి యత్నం

నాగర్‌కర్నూల్‌ జిల్లా కొల్లాపూర్‌ ప్రభుత్వ పీజీ కళాశాలకు చెందిన విద్యార్థిపై ప్రిన్సిపాల్‌ లైంగిక దాడికి యత్నించిన ఘటన బుధవారం వెలుగులోకి వచ్చింది. పాలమూరు వర్సిటీ పరిధిలోని కొల్లాపూర్‌ పీజీ కళాశాలలో ఓ విద్యార్థి పీజీ పూర్తి చేసి టీసీ కోసం వచ్చిన అతడిపై ప్రిన్సిపాల్‌ కొంతకాలంగా అనుచితంగా ప్రవర్తిస్తున్నాడు.

• భయంతో ప్రైవేట్‌ పార్ట్‌ కొరికిన స్టూడెంట్‌
• నగ్నంగా బయటకు పరుగెత్తిన ప్రిన్సిపల్‌
• కొల్లాపూర్‌ పీజీ కాలేజీలో దారుణం

కొల్లాపూర్‌, జూలై 8 : నాగర్‌కర్నూల్‌ జిల్లా కొల్లాపూర్‌ ప్రభుత్వ పీజీ కళాశాలకు చెందిన విద్యార్థిపై ప్రిన్సిపాల్‌ లైంగిక దాడికి యత్నించిన ఘటన బుధవారం వెలుగులోకి వచ్చింది. పాలమూరు వర్సిటీ పరిధిలోని కొల్లాపూర్‌ పీజీ కళాశాలలో ఓ విద్యార్థి పీజీ పూర్తి చేసి టీసీ కోసం వచ్చిన అతడిపై ప్రిన్సిపాల్‌ కొంతకాలంగా అనుచితంగా ప్రవర్తిస్తున్నాడు. శారీరకంగా, మానసికంగా వేధించేవాడు. ఈ క్రమంలోనే మంగళవారం రాత్రి సుమారు 10 గంటల సమయంలో విద్యార్థిని ప్రిన్సిపాల్‌ తన గదిలోకి పిలిపించుకున్నాడు. అనంతరం విద్యార్థిపై లైంగిక దాడికి యత్నించాడు. ప్రిన్సిపాల్‌ తనపై చేస్తున్న చిత్రహింసలను భరించలేని విద్యార్థి కోపంతో ప్రిన్సిపాల్‌ ప్రైవేట్‌ పార్ట్స్‌ను కొరికేసి, అక్కడి నుంచి తప్పించుకున్నాడు. అనంతరం సదరు విద్యార్థి ఇతర విద్యార్థులకు జరిగిన విషయం చెప్పాడు.

విషయం తెలియగానే ఇతర విద్యార్థులు ప్రిన్సిపాల్‌ నివాసానికి చేరుకున్నారు. విద్యార్థులు పెద్దఎత్తున వస్తున్నారని తెలుసుకున్న ప్రిన్సిపాల్‌ అక్కడి నుంచి నగ్నం గా పారిపోయాడు. అనంతరం బాధిత విద్యార్థి ఇతర విద్యార్థుల సహాయంతో పోలీసులను ఆశ్రయించి ఫిర్యా దు చేశాడు. విషయం తెలుసుకున్న విద్యార్థి, యువజన సంఘాలు బుధవారం రోడ్డుపై బైఠాయించి ప్రిన్సిపాల్‌పై చర్యలు తీసుకోవాలని డిమాండ్‌ చేశారు. ట్రాఫిక్‌ పూర్తిగా నిలిచిపోవడంతో విషయం తెలుసుకున్న పోలీసులు విద్యార్థి, యువజన సంఘాల నాయకులు అరెస్టు చేసి పోలీస్‌స్టేషన్‌కు తరలించారు. అనంతరం సొంత పూచీకత్తుపై విడుదల చేశారు.