Visit:
గద్వాల, జూన్‌ 15 : ఎగువన కురుస్తున్న వర్షాలకు జూరాల ప్రాజెక్ట్‌కు వరద పెరుగుతున్నది. శనివారం 9,259 క్యూసెక్కుల ఇన్‌ఫ్లో, 1,504 క్యూసెక్కుల అవుట్‌ఫ్లో నమోదైనట్లు అధికారులు తెలిపారు. నెట్టెంపాడు లిఫ్ట్‌కు 406, భీమా లిఫ్ట్‌-1కు 650, కోయిల్‌సాగర్‌ లిఫ్ట్‌కు 315 క్యూసెక్కులను విడుదల చేస్తున్నారు. ప్రాజెక్ట్‌ పూర్తిస్థాయి నీటిమ ట్టం 9.657 టీఎంసీలు కాగా ప్రస్తుతం 7.894 టీఎంసీల నిల్వ ఉన్నది.
అయిజ, జూన్‌ 15 : కర్ణాటకలోని ఆర్డీఎ స్‌ ఆనకట్టకు ఇన్‌ఫ్లో పెరుగుతున్నది. 9,310 క్యూసెక్కుల ఇన్‌ఫ్లో ఉండ గా, 9,310 క్యూసెక్కులు సుంకేసుల బ్యారేజీకి చేరుతున్నదని ఆర్డీఎస్‌ ఏఈ రాందాస్‌ తెలిపారు. ప్రస్తుతం ఆనకట్ట నీటిమట్టం 9 అడుగులకు చేరినట్లు ఆయన పేర్కొన్నారు.
టీబీ డ్యాంకు 1,550 క్యూసెక్కుల ఇన్‌ఫ్లో ఉండగా, 301 క్యూసెక్కుల అవుట్‌ ఫ్లో నమోదైంది. డ్యాం నీటి నిల్వ సామర్థ్యం 100.855 టీఎంసీలు కాగా ప్రస్తుతం 6.024 టీఎంసీల నిల్వ ఉన్నట్లు అధికారి రాఘవేంద్ర తెలిపారు.
