Harish Rao | రేపు గద్వాలలో పర్యటించనున్న హరీశ్ రావు.. షెడ్యూల్ ఇదే..!

Harish Rao : బీఆర్‌ఎస్ డిప్యూటీ ఫ్లోర్ లీడర్, సిద్ధిపేట ఎమ్మెల్యే హరీశ్ రావు (Harish Rao) రేపు జోగులాంబ గద్వాల జిల్లాలో పర్యటించనున్నారు.

Harish Rao : బీఆర్‌ఎస్ డిప్యూటీ ఫ్లోర్ లీడర్, సిద్ధిపేట ఎమ్మెల్యే హరీశ్ రావు (Harish Rao) రేపు జోగులాంబ గద్వాల జిల్లాలో పర్యటించనున్నారు. ఈ సందర్భంగా ఇటీవల రోడ్డు ప్రమాదంలో మృతి చెందినవారి కుటుంబాలను పరామర్శించడం, ఎండిపోయిన పంట పొలాల పరిశీలనతో పాటు కాంగ్రెస్ పాలనలో రైతుల కష్టాలను హరీశ్ రావు తెలుసుకోనున్నారు.

బుధవారం ఉదయం 09:00 గంటలకు హైదరాబాద్‌లో తన నివాసం నుండి హరీశ్ రావు గద్వాల బయలుదేరుతారు.  మధ్యాహ్నం 12:00 గంటలకు గట్టు మండలం ఇందువాసి గ్రామానికి మాజీ మంత్రి చేరుకుంటారు. ఇటీవల రోడ్డు ప్రమాదంలో మృతి చెందిన ఇద్దరు వలస కూలీల కుటుంబాలను, యాక్సిడెంట్‌లో గాయపడిన వారిని హరీశ్ రావు పరామర్శిస్తారు. మార్గమధ్యంలో ఎండిపోయిన పంట పొలాలను ఆయన పరిశీలిస్తారు. స్థానిక రైతులతో హరీశ్ రావు మాట్లాడతారు.