తెలంగాణ దార్శనీకుడు..

తెలంగాణ రాష్ట్ర ఏర్పాటు ఆవశ్యకతను ప్రజల గుండెలోతుల్లోకి తీసుకెళ్లి ఉద్యమాన్ని విజయతీరాలకు చేర్చిన సిద్ధాంతకర్త, ఉద్యమకారుడు ప్రొఫెసర్‌ జయశంకర్‌ సార్‌ అని మాజీ మంత్రి శ్రీనివాస్‌గౌడ్‌ అన్నారు.

• మాజీ మంత్రి శ్రీనివాస్‌గౌడ్‌

మహబూబ్‌నగర్‌ అర్బన్‌, జూన్‌ 21 : తెలంగాణ రాష్ట్ర ఏర్పాటు ఆవశ్యకతను ప్రజల గుండెలోతుల్లోకి తీసుకెళ్లి ఉద్యమాన్ని విజయతీరాలకు చేర్చిన సిద్ధాంతకర్త, ఉద్యమకారుడు ప్రొఫెసర్‌ జయశంకర్‌ సార్‌ అని మాజీ మంత్రి శ్రీనివాస్‌గౌడ్‌ అన్నారు.

జయశంకర్‌ 13వ వర్ధంతి సందర్భంగా శుక్రవారం మహబూబ్‌నగర్‌ జిల్లా కేంద్రంలోని పద్మావతి కాలనీ గ్రీన్‌ బెల్డ్‌ వద్ద ఉన్న జయశంకర్‌సార్‌ విగ్రహానికి పూలమాలవేసి నివాళులర్పించారు. ఈ సందర్భంగా ఆయన మాట్లాడుతూ తెలంగాణ రాష్ట్ర సాధన ఉద్యమ సమయంలో సిద్ధాంతకర్తగా తెలంగాణ నాయకత్వానికి మార్గదర్శనం చేసిన గొప్ప దార్శనికుడు ప్రొఫెసర్‌ కొత్తపల్లి జయశంకర్‌సార్‌ అని కొనియాడారు. కార్యక్రమంలో ప్రజాప్రతినిధులు, నాయకులు ఉన్నారు.