పాల బిల్లులు చెల్లించాలి

రెండు నెలలుగా బకాయి ఉన్న పాలబిల్లులు చెల్లించాలని డిమాండ్‌ చేస్తూ గు రువారం పాడి రైతులు కల్వకుర్తి పట్టణంలోని పాలశీతలీకరణ కేంద్రం ఎదుట కల్వకుర్తి -హైదరాబాద్‌ ప్రధాన రహదారిపై ధర్నా నిర్వహించారు. ఈ సందర్భంగా రైతులు మాట్లాడుతూ ప్రభుత్వ రంగ సంస్థ అయిన విజయ డెయిరీకి పాలు పోస్తున్నామని, కాంగ్రెస్‌ ప్రభుత్వం అధికారంలోకి వచ్చిన నాటి నుంచి పాలబిల్లులు సక్రమంగా చెల్లించడం లేదని ఆవేదన వ్యకం చేశారు.

• కల్వకుర్తి హైదరాబాద్‌ ప్రధాన రహదారిపై పాడి రైతుల ధర్నా

కల్వకుర్తి, జూలై 25 : రెండు నెలలుగా బకాయి ఉన్న పాలబిల్లులు చెల్లించాలని డిమాండ్‌ చేస్తూ గు రువారం పాడి రైతులు కల్వకుర్తి పట్టణంలోని పాలశీతలీకరణ కేంద్రం ఎదుట కల్వకుర్తి -హైదరాబాద్‌ ప్రధాన రహదారిపై ధర్నా నిర్వహించారు. ఈ సందర్భంగా రైతులు మాట్లాడుతూ ప్రభుత్వ రంగ సంస్థ అయిన విజయ డెయిరీకి పాలు పోస్తున్నామని, కాంగ్రెస్‌ ప్రభుత్వం అధికారంలోకి వచ్చిన నాటి నుంచి పాలబిల్లులు సక్రమంగా చెల్లించడం లేదని ఆవేదన వ్యకం చేశారు. ఎప్పుడు చూసిన రెండు నెలలకు పైగా బిల్లులు బకాయి ఉంటున్నాయని వాపోయారు. ప్రతి 15 రోజలకోసారి పాల బిల్లులు చె ల్లించాల్సి ఉండగా రెండు నెలల బకాయిలను తమ వద్ద ఉంచుకొని విజయ డెయిరీ నిర్వాహకులు ఇబ్బందులకు గురిచేస్తున్నారని ఆరోపించారు.

తాము పోసిన పాలకు బిల్లులు చెల్లించకుండా మమ్మల్ని ఎందుకు ఇబ్బందులకు గురిచేస్తున్నారని, ఇదేనా రైతు ప్రభుత్వమంటే అని రైతులు ప్రశ్నించారు. పాలబిల్లులు సక్రమంగా రాకపోవడంతో పిల్లల ఫీజులు, ఇతర ఖర్చులకు తీవ్రంగా ఇబ్బందులు ఎదుర్కొంటున్నాయని కన్నీళ్లు పెట్టుకున్నారు. ముందే ఇది వ్యవసాయానికి పెట్టుబడుల కాలమని, డబ్బులు కోసం తీవ్ర ఇబ్బందులు ఎదుర్కొంటున్నాయని, ఇదే సమయంలో పాల బిల్లులు కూడా రాకపోవడంతో తమ బాధలు వర్ణణాతీతమని రైతులు వాపోయారు. రెండు నెలలకు నాలుగు బిల్లులు బకాయిలు ఉన్నాయని, వెంటనే బకాయిలు చెల్లించాలని రైతులు డిమాండ్‌ చేశారు. రూ.4 ప్రోత్సాహకం ఊసే ఎత్తడం లేదని రైతులు ప్రభుత్వంపై తీవ్ర ఆగ్రహం వ్యక్తం చేశారు.

తమ గురించి ప్రజాప్రతినిధులు ఎవ రూ పట్టించుకోవడం లేదని, సమస్యలు పరిష్కరించుకుండా ప్రజాప్రతినిధులు తమ గొప్పలను ప్రదర్శించేందుకు రాజకీయాలు చేస్తున్నారని దుయ్యబట్టారు. మా బతుకు దెరువు పాడి అని, పాడితోనే బ తుకులీడుస్తున్నామని, పాలబిల్లులు చెల్లించకుండా ప్రభుత్వం తమను రోడ్డు పాలు చేసిందని తీవ్రంగా మండిపడ్డారు. ధర్నా విషయం తెలుసుకున్న పోలీసులు వెంటనే అక్కడకు చేరుకొని రైతులతో మాట్లా డి ఆందోళన విరమింపజేశారు. కార్యక్రమంలో కల్వకుర్తి, వెల్దండ, వంగూర్‌, చారకొండ, ఊర్కొండ మండలాలకు చెందిన పాడి రైతులు పాల్గొన్నారు.