Visit:
అమ్మ
చేత ఇత్తనం పట్టుకుంది.
నాయిన
నాగలికి బొట్టు పెట్టిండు.
తుమ్మ సెట్టు మీద
పాలపిట్ట
సెలిమె అద్దంలో
తన రూపు చూసుకుంటుంది.
మంద గుడిసె మీద
గండు కోయిలలు
పోరు పాటలు వినిపిస్తున్నవి.
పుస్తకాలలోన
అచ్చరాలన్నీ
సకల జనుల సమ్మెకు
మద్దతు గట్టినయి
ఎత్తిన
బోనం దించకుండా
నల్ల పోశమ్మ నడూర్ల్య దీపం పెట్టింది.
పొల్మెర కాడ
గుండె డప్పు కొట్టుకుంట
కోటేశు కావడి కుండలు కట్టిండు.
ఇంటి ముందలి
జిల్లేడు సెట్లు
యిడుపు కాయితం రాసుకున్నయి
సోమిగాని గోశిగుడ్డ
అయ్యగారి పంచెకట్టు దూప తీర్చింది
తెలంగాణి శిగకొప్పున
బతుకమ్మ కొలువుదీరింది
అరవై ఏండ్ల
ముసలి తాత
ఈర తిలకం దిద్దుకున్నడు
తొవ్వపొంటి మోదుగు పూలు
త్యాగాలనే పరిమళిస్తున్నయి
– చిక్కొండ్ర రవి 95023 78992
