చరిత్ర గమనాన్ని నిర్దేశిస్తుంటే
వర్తమాన ఆశల ఆవిరులు నిరాశల దారుల్లో నీరుగారిపోతున్నాయి..!!
మూసిన తలుపు సందుల్లోంచి సన్నటి వెలుగు దారాన్ని ఆసరా చేసుకొని ప్రపంచాన్ని పిడికిలిలో బిగించాలనే వెర్రి ఆశ భుజాలపై బ్రతుకు భారాన్ని
వెక్కిరిస్తూనే వుంది!!
అంధకారాన్ని మోస్తూ అంతరాల నిచ్చెనలు వేస్తుంటేదారి తప్పిన జీవితాలకు సమాంతర లెక్కల్లో అన్నీ అసమాన గీతలే..!!
శూన్యాన్ని మోస్తూ ఏ శిఖరాన్ని చేరినా గమ్యమంతా అగమ్యగోచరమే..!!
మసకేసిన మబ్బులు కల్లోల వర్షంలో తడుస్తుంటే శిశిరాలు రాజ్యాలేలుతున్నాయి..
ఆర్తనాదాలన్నీ విస్తరిస్తుంటే చీకటి బ్రతుకుల్లో వెలుగు నీడ ఎక్కడ?
చైతన్యపు దివిటీలు వెలిగించడానికి..ఇప్పుడొక వసంతం కావాలి..
మానవత్వపు పుటలలో మాటు వేసి చిచ్చు రేపుతున్న అలజడులను తరిమికొట్టాలి
మానవత్వం చిగురించడానికి
మనిషి తత్వాన్ని నిద్రలేపాలి..
నవ చైతన్యానికి నాందిగా
నలు దిక్కులు సస్యశ్యామలమై వర్ధిల్లాలి..!!
స్వప్న మేకల
9052221870