మంచిని పంచడమే మనిషి ధర్మం

చన్దనం శీతలం లోకే
చందనాదపి చంద్రమా
చంద్రచన్దనయోర్మధ్యే
శీతలా సాధుసంగతః॥

లోకంలో మంచి గంధం చల్లదనాన్ని కలుగజేస్తుంది. చందనం కంటే కూడా చంద్రుడు హాయిని కలుగజేస్తాడు. ఈ రెండింటి కంటే సజ్జనుల సాంగత్యం మరింత ఎక్కువ చల్లదనాన్ని కలుగజేస్తుంది. సజ్జనుల చల్లదనం అంటే.. సాటి మనుషులకు దుఃఖం కలుగజేయకుండా సంతోషాలను పంచటంగా భావించాలి. సమాజంలో సజ్జనుడు ఎల్లప్పుడూ మంచినే పంచుతూ, మంచికోసమే తపిస్తూ పరుల హితం కోసమే ఆలోచిస్తాడు. మంచి పనులే చేస్తాడు. ఎదుటి మనుషులకు హాని తలపెట్టి దుఃఖం కలుగచేయని అతను తోటివారికి చల్లదనాన్ని పంచుతున్నట్లే కదా! అందుకే అందరూ మంచినే ఆచరించాలి, మంచికోసమే జీవించాలి.

టి.సుధాకరశర్మ