Rose Water | వామ్మో.. రోజ్‌ వాటర్‌తో ఇన్ని ప్రయోజనాలా ?

Rose Water | రోజ్‌ వాటర్‌తో సహజమైన ఫేస్‌ ప్యాక్స్‌ తయారుచేసుకోవచ్చు. అలోవెరా జెల్‌ లేదా తేనె కలిపిన రోజ్‌ వాటర్‌ మిశ్రమాన్ని ఓ పది, పదిహేను నిమిషాలు మొహానికి పట్టించి గోరువెచ్చని నీటితో కడిగేస్తే చర్మం శుభ్రమవ్వడమే కాకుండా కాంతిమంతంగా మారుతుంది.

Rose Water | రోజ్‌ వాటర్‌ మనకు కొత్తేమీ కాదు. వెయ్యేండ్ల క్రితమే వాడుకలో ఉన్నట్టు దాఖలాలు కనిపిస్తాయి. రోజ్‌ వాటర్‌తో ఎన్నో ప్రయోజనాలు. వాటిలో కొన్ని..

• రోజ్‌ వాటర్‌తో సహజమైన ఫేస్‌ ప్యాక్స్‌ తయారుచేసుకోవచ్చు. అలోవెరా జెల్‌ లేదా తేనె కలిపిన రోజ్‌ వాటర్‌ మిశ్రమాన్ని ఓ పది, పదిహేను నిమిషాలు మొహానికి పట్టించి గోరువెచ్చని నీటితో కడిగేస్తే చర్మం శుభ్రమవ్వడమే కాకుండా కాంతిమంతంగా మారుతుంది.
• రోజంతా ఎంత ఒత్తిడి ఉన్నా, సాయంవేళ రోజ్‌ వాటర్‌తో అరోమాథెరపీ చేస్తే… ఉపశమనం తథ్యం. రోజ్‌ వాటర్‌ సువాసన వల్ల మనసుకు హాయిగా అనిపిస్తుంది.
• రోజ్‌ వాటర్‌లో వాపును తగ్గించే యాంటీఇన్‌ఫ్లమేటరీ లక్షణాలు, సూక్ష్మక్రిములను చంపే యాంటీ మైక్రోబియల్‌ గుణాలు అపారం. ఇవి చర్మానికి సోకే ఇన్ఫెక్షన్లు, మొటిమలకు విరుగుడుగా పనిచేస్తాయి.
• సూర్యరశ్మి వల్ల కమిలిన చర్మానికి రోజ్‌ వాటర్‌ కొత్త జీవం పోస్తుంది. మంటను తగ్గించి, చర్మం ఆరోగ్యంగా మారేందుకు సాయపడుతుంది.
• చర్మానికి తేమను అందిస్తుంది. ఆ సువాసన మంచి అనుభూతిని కలిగిస్తుంది. చల్లని నీటితో మొహం కడుక్కుని రోజ్‌ వాటర్‌లో ముంచిన దూదితో అద్దుకుంటే, ఎంత ఉపశమనంగా అనిపిస్తుందో.. ఒక్కసారి ప్రయత్నిస్తే మీకే తెలుస్తుంది.