గజ్జె ఘల్లు.. గుండె ఝల్లు!

పేరుకు ఏడువారాల నగలే కానీ.. ఏడైనా ఘల్లుమన్నాయా? వడ్డాణమనే పేరుతో వగలుపోవడమే తప్పించి.. ఫక్కున నవ్విందా? వజ్రపుటుంగరమని విర్రవీగడంతోనే సరిపోయింది.

పేరుకు ఏడువారాల నగలే కానీ.. ఏడైనా ఘల్లుమన్నాయా? వడ్డాణమనే పేరుతో వగలుపోవడమే తప్పించి.. ఫక్కున నవ్విందా? వజ్రపుటుంగరమని విర్రవీగడంతోనే సరిపోయింది. ఓ ఉలుకూ లేదు, పలుకూ లేదు. అదే, వెండి మువ్వలైతే ఆ సందడే వేరు. లోలాకులతో కలిసి కులుకుతాయి. గాజులతో ములాఖత్‌ అయిపోయి గలగలమంటాయి.

కాలి అందెలకు చెలికత్తెలై అందగత్తె అడుగులకు మడుగులొత్తుతాయి. కాబట్టే, తేజహ్‌ అనే జువెలరీ కంపెనీ మువ్వలతో ముస్తాబైన వెండి ఆభరణాలను తీసుకొచ్చింది. నెక్లెస్‌ నుంచి పాలి పట్టీల వరకు.. ప్రతి నగకూ మువ్వల వగలు జోడించింది. చీరకట్టు మొదలు మినీ స్కర్ట్‌ వరకు దేనికైనా అతికినట్టు సరిపోతాయి. అతివ నడకకు నేపథ్య సంగీతం వినిపిస్తాయి. ధరలు వంద పైచిలుకుతో మొదలవుతాయి.