టీనేజ్‌ పిల్లలు కోపంగా మాట్లాడినప్పుడు, అరిచినప్పుడు..

తల్లిదండ్రులు కూడా వెంటనే ఆగ్రహానికి గురికావొద్దు. పెద్దల కోపం.. పిల్లల ఆవేశాన్ని మరింత పెంచుతుంది. ఇక, కోపం మరీ ఎక్కువగా ఉన్నప్పుడు.. ఏ విషయం గురించైనా చర్చించడం వృథా. కాసేపు ఆగి.. ప్రశాంతంగా మాట్లాడుకుందామని చెప్పాలి.

తల్లిదండ్రులు కూడా వెంటనే ఆగ్రహానికి గురికావొద్దు. పెద్దల కోపం.. పిల్లల ఆవేశాన్ని మరింత పెంచుతుంది. ఇక, కోపం మరీ ఎక్కువగా ఉన్నప్పుడు.. ఏ విషయం గురించైనా చర్చించడం వృథా. కాసేపు ఆగి.. ప్రశాంతంగా మాట్లాడుకుందామని చెప్పాలి. ఆ ఉద్రిక్త వాతావరణాన్ని ప్రశాంతంగా మార్చడానికి ప్రయత్నించాలి.

• పిల్లలు చెప్పేది పూర్తిగా వినాలి. మధ్యలో అడ్డుపడటం, వెంటనే సలహాలు ఇవ్వడం చేయవద్దు. వారి భావాలను గౌరవించాలి. వారి కోపం వెనుక ఉన్న అసలు కారణాన్ని గుర్తించాలి.
• పిల్లలకు కోపం రావడం తప్పుకాదు. కానీ, అదే సమయంలో వారి ప్రవర్తన కూడా ముఖ్యమే! కోప్పడినా, అరిచినా ఫర్వాలేదు కానీ, వస్తువులు విసిరేయడం, ఎదురు మాట్లాడటం, తలుపులు గట్టిగా వేయడం లాంటివి చేయొద్దని వారికి అర్థమయ్యేలా చెప్పాలి.
• సమస్య ఏదైనా.. సమయం చూసి వారితో మాట్లాడాలి. వారి మూడ్‌ బాగున్నప్పుడు, ఇద్దరూ ప్రశాంతంగా ఉన్నప్పుడు.. సమస్య గురించి చర్చించుకోవాలి. అందులోనూ వారిని నిందించేలా కాకుండా.. ఆ సమస్యను ఎలా పరిష్కరించుకోవచ్చో ఆలోచించాలి. ఇక్కడ వారి అభిప్రాయాన్ని కూడా తీసుకోవడం ద్వారా.. వారిలో బాధ్యతను పెంచుతుంది.
• పిల్లలకు తల్లిదండ్రులే రోల్‌ మోడల్‌గా ఉండాలి. కష్టమైన పరిస్థితుల్లో కూడా ప్రశాంతంగా ఎలా ఉండాలో.. పెద్దల ప్రవర్తన ద్వారా వారికి ప్రత్యక్షంగా చూపించాలి.