ప్రజావాణికి స్పంద‌న క‌రువు

ప్రజా సమస్యల పరిష్కారం కోసం ప్రభుత్వం నిర్వహిస్తున్న ప్రజావాణి కార్యక్రమానికి కారేపల్లి మండలంలో స్పందన కరువైంది. మండల కేంద్రంలోని ఎంపీడీవో కార్యాలయ సమావేశ మందిరంలో సోమవారం నిర్వహించిన ప్రజావాణి కార్యక్రమానికి...

కారేపల్లి, నవంబర్ 02 : ప్రజా సమస్యల పరిష్కారం కోసం ప్రభుత్వం నిర్వహిస్తున్న ప్రజావాణి కార్యక్రమానికి కారేపల్లి మండలంలో స్పందన కరువైంది. మండల కేంద్రంలోని ఎంపీడీవో కార్యాలయ సమావేశ మందిరంలో సోమవారం నిర్వహించిన ప్రజావాణి కార్యక్రమానికి నాలుగు గంటల పాటు అధికారులు నిరీక్షించినా కేవలం ఒకే ఒక్క దరఖాస్తు మాత్రమే అందింది. అది కూడా అధికార కాంగ్రెస్ పార్టీకి చెందిన మాజీ మండల అధ్యక్షుడు తలారి చంద్రప్రకాష్ సమర్పించారు. ప్రజలు తమ సమస్యలను అధికారుల దృష్టికి తీసుకువచ్చేందుకు ఏర్పాటు చేసిన కార్యక్రమానికి ఫిర్యాదుదారులు హాజరు కాకపోవడంతో అధికారులు ఖాళీగా కూర్చోవాల్సిన పరిస్థితి ఏర్పడింది. ప్రజా సమస్యల పరిష్కారం కోసం నిర్వహిస్తున్న ప్రజావాణికి ప్రజల నుంచి ఆశించిన స్థాయిలో స్పందన లేకపోవడం చర్చనీయాంశంగా మారింది.