నాగినేనిప్రోలు రెడ్డిపాలెంలో పింఛన్ దరఖాస్తుల ప‌రిశీల‌న

బూర్గంపహాడ్ మండలం నాగినేనిప్రోలు రెడ్డిపాలెం గ్రామంలో ఇటీవల కొత్త పింఛన్లకు దరఖాస్తు చేసుకున్న లబ్ధిదారుల ధృవీకరణ పత్రాలను డీపీవో అనూష సోమవారం తనిఖీ చేశారు. పర్యటనలో భాగంగా గ్రామంలో మొత్తం 12 మంది దివ్యాంగ, వితంతు, ఒంటరి...

బూర్గంపహాడ్, అక్టోబర్ 12 : బూర్గంపహాడ్ మండలం నాగినేనిప్రోలు రెడ్డిపాలెం గ్రామంలో ఇటీవల కొత్త పింఛన్లకు దరఖాస్తు చేసుకున్న లబ్ధిదారుల ధృవీకరణ పత్రాలను డీపీవో అనూష సోమవారం తనిఖీ చేశారు. పర్యటనలో భాగంగా గ్రామంలో మొత్తం 12 మంది దివ్యాంగ, వితంతు, ఒంటరి మహిళలకు సంబంధించిన దరఖాస్తులను పరిశీలించి వారి అర్హతలకు సంబంధించి ధృవీకరణ పత్రాలను పరిశీలించారు. అనంతరం దసరా పండుగను పురస్కరించుకుని 14 మంది మల్టీపర్పస్ వర్కర్లకు రూ.1.5 లక్షల వేతనాలను ముందస్తుగా అందజేశారు. ఈ కార్యక్రమంలో సర్పంచ్ బానోత్ సరోజ, కార్యదర్శి రేపాక రవి, మల్టీ పర్పస్ వర్కర్లు పాల్గొన్నారు.