Visit:
బూర్గంపహాడ్, జూలై 07 : బూర్గంపహాడ్ మండల వ్యాప్తంగా వాడవాడలా ఎంఆర్పీఎస్ 32వ ఆవిర్భావ వేడుకలను ఎంఆర్పీఎస్ నాయకులు మంగళవారం ఘనంగా నిర్వహించారు. బూర్గంపహాడ్ మండల కేంద్రంతో పాటు నాగినేనిప్రోలు రెడ్డిపాలెం, సారపాక, లక్ష్మీపురం, మోరంపల్లిబంజర్ తదితర గ్రామాల్లో ఎంఆర్పీఎస్ జెండాలను ఆవిష్కరించి వేడుకలు నిర్వహించారు. ఈ కార్యక్రమానికి బూర్గంపహాడ్ సర్పంచ్ మందా నాగరాజుతో పాటు ఎంఆర్పీఎస్ జిల్లా నాయకుడు దేపంగి రమణ హాజరై జెండా ఆవిష్కరణల్లో పాల్గొన్నారు. అనంతరం ఎంఆర్పీఎస్ వ్యవస్థాపకుడు మందా కృష్ణమాదిగ జన్మదినం సందర్భంగా కేక్ కట్ చేసి సంబరాలు నిర్వహించారు. ఈ కార్యక్రమంలో నాయకులు దేపంగి రామచంద్ర, మిరియాల ముసలయ్య, కేసుపాక పుల్లయ్య, మహాజన కార్మిక సంఘం చైర్మన్ దేపంగి గోపాలకృష్ణ, రామకృష్ణ, రాము, చక్కా నర్సింహారావు, దేపంగి నర్సింహారావు, ఎంఈఎఫ్ నాయకులు మిరియాల శ్రీనివాసరావు, కోట జయరాజు, కోట శ్రీరామమూర్తి, మిరియాల అంజి, నాగముత్యం, సంతోష్, మహిళలు పాల్గొన్నారు.
