Chunchupalli : ఎంఈఓ బాలాజీ వలస ఆదివాసీ గ్రామ సందర్శ‌న‌

చుంచుపల్లి మండలం పెనగడప గ్రామ పంచాయతీకు 8 కిలోమీట‌ర్ల దూరంలో ఉన్న మారుమూల గ్రామం, ఛత్తీస్‌గ‌ఢ్ నుండి వలస వచ్చిన గుత్తి కోయ ఆదివాసుల నివాస ప్రాంతమైన మర్రిగూడెంను మండల విద్యాశాఖ అధికారి బాలాజీ తమ ఉపాధ్యాయ బృందంతో కలిసి..

చుంచుపల్లి, న‌వంబ‌ర్ 29 : చుంచుపల్లి మండలం పెనగడప గ్రామ పంచాయతీకు 8 కిలోమీట‌ర్ల దూరంలో ఉన్న మారుమూల గ్రామం, ఛత్తీస్‌గ‌ఢ్ నుండి వలస వచ్చిన గుత్తి కోయ ఆదివాసుల నివాస ప్రాంతమైన మర్రిగూడెంను మండల విద్యాశాఖ అధికారి బాలాజీ తమ ఉపాధ్యాయ బృందంతో కలిసి శ‌నివారం సందర్శించారు. ఇక్కడి పిల్లలు పాఠశాల లేక చదువుకు దూరంగా ఉన్నందున వారు చదువుకునేందుకు తగిన ఏర్పాట్లు చేయిస్తానని, మెడికల్ క్యాంప్ ఏర్పాటు చేయిస్తానని తెలిపి ఆరోగ్యం – శుభ్రత గురించి వివరించారు. ఈ కార్య‌క్ర‌మంలో ఉపాధ్యాయులు చంద్రశేఖర్, కరిముల్లా, యంగ్ ఇండియన్ బ్లడ్ డోనర్స్ క్లబ్ ఫౌండేషన్ వ్యవస్థాపక అధ్యక్షుడు బాలు, రాము పాల్గొన్నారు.