‘గోల్డెన్ అవర్‌లో ప్రాణాలను కాపాడవచ్చు’

రోడ్డు ప్రమాదాల సమయంలో గోల్డెన్ అవర్‌ ఎంతో కీలకమని ఆ సమయంలో సరైన చికిత్స అందిస్తే ప్రాణాలను కాపాడే అవకాశాలు ఎక్కువగా ఉంటాయని ఆళ్ల‌ప‌ల్లి ఎస్ఐ సోమేశ్వర్ అన్నారు. ప్రజా పాలన ప్రగతి ప్రణాళికలో భాగంగా పోలీస్ శాఖ, ర‌వాణా శాఖ ఆధ్వర్యంలో..

ఆళ్లపల్లి, ఏప్రిల్ 17 : రోడ్డు ప్రమాదాల సమయంలో గోల్డెన్ అవర్‌ ఎంతో కీలకమని ఆ సమయంలో సరైన చికిత్స అందిస్తే ప్రాణాలను కాపాడే అవకాశాలు ఎక్కువగా ఉంటాయని ఆళ్ల‌ప‌ల్లి ఎస్ఐ సోమేశ్వర్ అన్నారు. ప్రజా పాలన ప్రగతి ప్రణాళికలో భాగంగా పోలీస్ శాఖ, ర‌వాణా శాఖ ఆధ్వర్యంలో నిర్వహిస్తున్న అరైవ్‌.. అలైవ్‌ కార్యక్రమంలో భాగంగా శుక్రవారం నార్లపల్లి ప్రాథమిక ఆరోగ్య కేంద్రంలోని సిబ్బందికి, ప్రజలకు, 108 డ్రైవర్లకు గోల్డెన్ అవర్ పై అవగాహన కార్యక్రమం నిర్వహించారు. ఈ సందర్భంగా ఆయన మాట్లాడుతూ.. రోడ్డు ప్రమాదం జరిగిన వెంటనే భయపడి వెళ్లిపోకుండా బాధితులను రక్షించేందుకు ముందుకు రావాలన్నారు. వెంటనే 108 అంబులెన్స్ కు సమాచారం ఇచ్చి ఆస్ప‌త్రికి తరలించాలన్నారు. ప్రాథమిక చికిత్స, సీఆర్పీ అందించడం ద్వారా కూడా ప్రాణాలను కాపాడవచ్చునని తెలిపారు.