మొక్కల వెంకటయ్యకు సత్కారం

మొక్కల వెంకటయ్యకు భద్రాద్రి కలెక్టరేట్‌లో సోమ‌వారం ఘనంగా సన్మానం చేశారు. కొత్తగూడెం పరిధి రామవరంలో ఉంటున్న రావి వెంకటయ్య రికార్డు స్థాయిలో మొక్కలు నాటినందుకు గాను ఆయనను ఇటీవల రవీంద్రభారతీలో రాష్ట్ర మంత్రులు ప‌లువురు సన్మానం చేశారు.

భద్రాద్రి కొత్తగూడెం, అక్టోబర్ 12 : మొక్కల వెంకటయ్యకు భద్రాద్రి కలెక్టరేట్‌లో సోమ‌వారం ఘనంగా సన్మానం చేశారు. కొత్తగూడెం పరిధి రామవరంలో ఉంటున్న రావి వెంకటయ్య రికార్డు స్థాయిలో మొక్కలు నాటినందుకు గాను ఆయనను ఇటీవల రవీంద్రభారతీలో రాష్ట్ర మంత్రులు ప‌లువురు సన్మానం చేశారు. సన్మానం అందుకున్న వెంకటయ్య సోమవారం కలెక్టరేట్ కు రావడంతో అదన‌ము కలెక్టర్ వేణుగోపాల్, డి ఆర్ ఓ పద్మావతి, జిల్లా సంక్షేమ అధికారి స్వర్ణలత, వృద్ధుల శాఖ అధికారి వరప్రసాద్ చేతుల మీదుగా వెంక‌ట‌య్య‌ను శాలువాతో స‌న్మానించి షీల్డ్ లను బహూకరించారు. ఈ సందర్భంగా వెంకటయ్య మాట్లాడుతూ కోటి మొక్కల పెంప‌క‌మే లక్ష్యంగా మొక్కలు నాటే కార్యక్రమం ల‌క్ష్యంగా పెట్టుకున్న‌ట్లు, ఇప్పటి వరకు 85 లక్షల 15 మొక్కలు నాటిన‌ట్లు తెలిపారు. త‌న‌కు అవకాశం ఉన్నంత వరకు మొక్కలు నాటుతానని ఆయ‌న తెలిపారు.