గ్రామాల్లో ఎక్సైజ్ దాడులు.. నాటుసారా, బెల్లం పానకం ప‌ట్టివేత‌

బూర్గంపహాడ్ మండలం సారపాక పంచాయతీలోని సారపాక, గాంధీనగర్, భాస్కర్‌న‌గ‌ర్‌, సంజీవరెడ్డిపాలెం గ్రామాల్లో శుక్రవారం ఎక్సైజ్ అధికారులు దాడులు నిర్వహించారు. ఈ దాడుల్లో మూడు కేసులు నమోదు చేసి ఐదు లీటర్ల నాటుసారా స్వాధీనం చేసుకుని..

బూర్గంపహాడ్, అక్టోబర్ 09 : బూర్గంపహాడ్ మండలం సారపాక పంచాయతీలోని సారపాక, గాంధీనగర్, భాస్కర్‌న‌గ‌ర్‌, సంజీవరెడ్డిపాలెం గ్రామాల్లో శుక్రవారం ఎక్సైజ్ అధికారులు దాడులు నిర్వహించారు. ఈ దాడుల్లో మూడు కేసులు నమోదు చేసి ఐదు లీటర్ల నాటుసారా స్వాధీనం చేసుకుని 800 లీటర్ల బెల్లం పానకంను ధ్వంసం చేశారు. గ్రామాల్లో నాటుసారా తయారీ, విక్రయం, రవాణా వల్ల కలిగే అనర్ధాలపై ప్రజలకు అవగాహన కల్పించారు. నాటుసారా ఎవరైనా తయారు చేసినా, విక్రయించినా, రవాణా చేసినా చట్ట ప్రకారం కఠిన చర్యలు తీసుకుంటామని భద్రాచలం ఎక్సైజ్ సీఐ కిష్టయ్య హెచ్చరించారు. ఈ దాడుల్లో భద్రాచలం ఎక్సైజ్ ఎస్ఐ అల్లూరి సీతారామరాజు, ఎన్‌ఫోర్స్‌మెంట్ ఏసీ శ్రీహరిరావు, జిల్లా టాస్క్ ఫోర్స్ సమీవుల్లా ఖాన్, సిబ్బంది కరీం, సీతారామ్, శ్రావణ్, రాకేష్, రమేశ్‌బాబు పాల్గొన్నారు.