రోడ్డు ప్రమాదంలో ఇద్దరు దుర్మరణం

శంకరపట్నం మండలం కేశవపట్నం శివారులో జాతీయ రహదారిపై జరిగిన రోడ్డు ప్రమాదంలో ఇద్దరు కొత్తగట్టు యువకులు దుర్మరణం చెందారు. స్థానికులు తెలిపిన వివరాల ప్రకారం.. కొత్తగట్టు గ్రామానికి చెందిన పిట్టల మహేశ్‌ (19), నర్సింగోజు అరవిందాచారి (17) ఆదివారం రాత్రి వ్యక్తిగత పనిపై కొత్తగట్టు నుంచి కేశవపట్నం వైపు బైక్‌పై వస్తున్నారు.

• కేశవపట్నం వద్ద ఘటన
• కొత్తగట్టులో విషాదం

శంకరపట్నం, జూన్‌ 9: శంకరపట్నం మండలం కేశవపట్నం శివారులో జాతీయ రహదారిపై జరిగిన రోడ్డు ప్రమాదంలో ఇద్దరు కొత్తగట్టు యువకులు దుర్మరణం చెందారు. స్థానికులు తెలిపిన వివరాల ప్రకారం.. కొత్తగట్టు గ్రామానికి చెందిన పిట్టల మహేశ్‌ (19), నర్సింగోజు అరవిందాచారి (17) ఆదివారం రాత్రి వ్యక్తిగత పనిపై కొత్తగట్టు నుంచి కేశవపట్నం వైపు బైక్‌పై వస్తున్నారు.

అదే సమయంలో శ్రీలక్ష్మీ రైస్‌ మిల్‌ సమీపంలో ఎదురుగా వస్తున్న లారీని ఢీకొన్నారు. ఇద్దరు యువకులు అక్కడికక్కడే మృతిచెందారు. ప్రమాద స్థలానికి ఎస్‌ఐ లక్ష్మారెడ్డి, ఏఎస్‌ఐ మల్లారెడ్డి, పోలీసు సిబ్బందితో వెళ్లి వివరాలు నమోదు చేసుకున్నారు.