Arrest | హత్యాయత్నం కేసులో ముగ్గురు నిందితులు అరెస్ట్

Arrest | దసరా పండుగ సందర్భంగా కత్తితో దాడి చేసి గాయపరిచి హత్యాయత్నానికి పాల్పడ్డ ముగ్గురు నిందితులను కోరుట్ల పోలీసులు అరెస్ట్ చేసి రిమాండ్‌కు తరలించారు. 

కోరుట్ల : దసరా పండుగ సందర్భంగా కత్తితో దాడి చేసి గాయపరిచి హత్యాయత్నానికి ( Atempt murder case ) పాల్పడ్డ ముగ్గురు నిందితులను కోరుట్ల పోలీసులు అరెస్ట్ ( Arrest ) చేసి రిమాండ్‌కు తరలించారు. కోరుట్ల పట్టణంలోని అర్బన్ కాలనీకి చెందిన గుద్దేటి రాజేందర్ కాలనీలో దుర్గామాత అమ్మవారి నిమజ్జన కార్యక్రమంలో ఉండగా రామ్ నగర్ కాలనీకి చెందిన కిరణ్, అజయ్‌ గొడవ పడ్డారు.

బుధవారం తెల్లవారుజామున మరో వ్యక్తి జ్ఞానదీప్‌తో కలసి వచ్చి రాజేందర్‌తో మరోసారి గొడవపడ్డారు. వెంట తెచ్చుకున్న కత్తితో జ్ఞానదీప్‌ దాడి చేయడంతో రాజేందర్ ఎడమ భుజం, మెడ ఎడమ వైపు గాయాలయ్యాయి. స్థానికులు నిందితులను పట్టుకోవడానికి ప్రయత్నించగా, వారు కత్తితో బెదిరించి అక్కడి నుంచి పారిపోయారని సీఐ తిరుపతి వెల్లడించారు. బాధితుడి ఫిర్యాదు మేరకు కేసు నమోదు చేసి దర్యాప్తు చేపట్టి ముగ్గురిని అరెస్టు చేసి, రిమాండ్‌కు తరలించినట్లు వివరించారు.